Festivali i Teatrove të Kosovës në Ferizaj i mbush 40 vjet. Nga e premtja për shtatë ditë rresht do të jepen nëntë shfaqje, të punuara nëpër teatrot gjithandej trojeve shqiptare. Jemi përpjekur që këtë jubile ta shënojmë me sa më shumë vlera teatrore, andaj kemi një përzgjedhje të tillë”, theksoi Fatmir Hyseni ,drejtor i Tetarit ferizajas “Adriana”. Sipas Hysenit shfaqjet në këtë Festival do të kenë karakter garues si deh do të ndahen shpërblimet tradicionale.
Po ashtu Hyseni sqaroi se në çdo mbrëmje do të mbahet edhe tryeza debutuese ku do të ngritën shumë çështje mbi shfaqjet si dhe mbi rrjedhat teatrore tek ne. “Një mbrëmje të veçantë do t’ia kushtojmë edhe vet të ardhmes së Festivalit në Ferizaj, do të shtrojmë çështjen se kah dhe si do të profilizohet ky festival”, tha Hyseni. Ai shfaqi pikëpamjen e tij se si drejtues i teatrit ferizajas do të ishte mirë që “ Festivali i Ferizajt do të ishte mirë të ketë karakter kamertal. Ku do të jepen shfaqje të këtij tipi të teatrit”, tha Hyseni. Edhe drejtori i Drejtorisë për kulturë Naim Ferati theksoi e “Drejtoria nuk ka qenë dorë shtrënguar për këtë Festival pasi që ky Festival nderon kulturën ferizajasve”. Këtë Festival e ka mbështet edhe Ministria e kulturës si dhe donatorë të tjerë. Festivali i teatrove të Kosovës sivjet merr karakter mbarëkombëtar, gjatë shtatë ditëve do të jepen këto shfaqje
:Teatri Profesional” Adriana” Ferizaj,“Ah, veshkët e mia” Babis Cikliropulos regjia Ben Apolloni do të hap festivalin, pastaj ,Teatri Profesional i Prizerenit“Një jetë në teatër” David Mamet Regjia: Afrim Kasapolli,Teatri “Dodona” Prishtinë,“Natën e mirë, nënë” Marsha Norman ,regjia Drita Begolli,Teatri Kumanovës Maqedoni me“Kufomat e Gjalla “ Shkëlzen Halimi regjia Zijadin Murtezi,Teatri i Qytetit Preshevë,“Revolja”Gabor George, regjia Kastriot Saqip,Teatri “Migjeni“ Shkodër,“Kangë e kputun nëpër natë” Bruno Shllaku,Akademia e Arteve –Tiranë,Shfaqja ” Vejanët” Haqif Mulliqi regjia: Milto Kutali,Teatri Metropol Tiranë,“Më e vërtetë se e vërteta” Martial Courcier ,regjia Rozi Kostani, ndërkaq festivali mbyllet me shfaqjen e Teatri Profesional Gjilanit“Sakati nga Inishmani” Martin McDonagh Regjia: Ilir Bokshi.
Juria profesionale e festivalit do të jetë :Ndriçim Xhepa, Mehmet Kraja dhe Elmaze Nura, ndërkaq udhëheqës të tryezave do të jetë Haqif Mulliqi.
Shfaqje nga trojet shqiptare synojnë t’ia japin peshën e veçantë Festivalit që mbushë 40 vjet dhe konsiderohet si një më të vjetrit në rajon
