Sipas ligjit, hapësira e përcaktuar për duhanpirësit është 30%, ndërsa pjesa tjetër prej 70 për qind e lokaleve do të jetë hapësirë ku rreptësisht ndalohet pirja e duhanit.Xhelal Berisha inspektor sanitar në komunën e Ferizajt thotë se ky vendim është marrë kohë më parë dhe tani është i ditur për të gjitha institucionet si dhe lokalet afariste,si dhe ky ligj duhet respektuar.”Ky ligj duhet respektuar pasiqë shkelja e tij ,mund të jetë me pasoja ashtu edhe sic është parashikuar me këtë ligj,megjithatë ne po punojmë si inspektorat që respektimi të jetë në nivel të duhur”,tha Berisha.
Mirëpo,Berisha thotë se deri më tash kanë dhënë edhe vërejtje për subjekte të ndryshme afariste të cilat nuk e kanë respektuar ligjin mbi duhanin. Sipas tij krahas kësaj mund të pasojnë edhe ndëshkimet.”Deri më tash kemi dhënë edhe vërejtje me shkrim sidomos për lokale të ndryshme hoteliere ,ku disa prej tyre nuk e kanë përcaktuar hapësirën e lokalit”. Por, në rast të mospërmbushjes së kushteve të dala nga ky ligj ,inspektorët sanitarë thonë se do të pasojnë dënime të larta për pronarët e lokaleve.”Ne tani vetëm po e bëjmë punën tonë, nëse ndodh që vërejtjet të jepen edhe një herë ,do të pasojnë edhe gjoba për ata që nuk e respektojnë ligjin,kështu që lusim të gjitha lokalet që të respektojnë vendimin e marrë nga komuna në bazë të ligjit mbi duhanin”,ka thënë Berisha.
Zyrtarët komunalë të Inspektoriatit gjithashtu thanë se gjoba për një lokal i cili nuk e respekton vendimin e komunës ,i bazuar mbi ligjin për duhanin ,mund të jetë deri në 10 mijë euro,por ka gjasa edhe t’i mbyllet lokali.Po ashtu u kuptua se ligjin mbi duhanin tanimë po e respektojnë institucionet komunale,si administrata komunale, qendrat e mjekësisë familjare etj.
Ligji për duhanin ka filluar të zbatohet vitin e shkuar edhe në komunën e Ferizajt.
