Në komunën e Ferizajt të premten është lëshuar në funksion projekti i cili synon që t’i ulë shpenzimet e energjisë në institucionet publike. Ndonëse çdo gjë ishte bërë gati për të nisur ky projekt, në skenë doli KEK-u, i cili përkundër asaj që gjatë tërë ditës pjesën më të madhe të Ferizajt e kishte lënë pa rrymë, mezi ia doli të siguroj energjinë për ndezjen e vetëm të një poqi. Ky projekt i njohur si "Zbatimi i masave të efiçiencës së energjisë në institucionet publike në kuadër të realizimit të planit kombëtarë të EE, sipas kërkesave të BE-së dhe TKE-së zbatimi i vendimit të Qeverisë për poqa kursyes-ndriçimi i rrugëve publike" është financuar nga Qeveria e Kosovës, komuna e Ferizajt dhe GIZ-ja gjermane, ndërsa përfitues kanë qenë 12 rrugë të Ferizajt me një gjatësi prej 10 kilometrave. Përurimin e këtij projekti e bënë së bashku investuesit, duke thënë se ky projekt do të jetë i një rëndësie të veçantë sepse do t’i kontribuoj zvogëlimit të shpenzimeve të energjisë. Kryetari i Ferizajt, Bajrush Xhemajli ka falënderuar Qeverinë e Kosovës për këtë donacion, ndërsa projektin e ka quajtur si model edhe për vendet tjera. Në anën tjetër edhe zv/ministri i Zhvillimit Ekonomik, Ramadan Hasani, ka thënë se MZHE, krahas angazhimeve të tjera, një rëndësi të veçantë po i kushton projekteve që kanë për qëllim promovimin e efiçiencës së energjisë. Përmes këtij projekti kemi synuar të promovojmë efiçiencën e energjisë dhe të përmirësojmë ndriçimin publik, sipas një vendimi të qeverisë për poqa kursyes"ka thënë Hasani. Ndërsa Nexhat Jashari, nga organizata GIZ-i, ka thënë se ky projekt është zhvilluar në partneritet të plotë me qeverinë e Kosovës dhe atë komunale. Ai ka thënë se projekte të karakterit të këtillë do të ketë edhe në të ardhmen.
Ndryshe ky projekt ka kushtuar 65 mijë euro, Qeveria e Kosovës e ka nda pjesën më të madhe prej 55 mijë eurove, komuna e Ferizajt dhe GIZ-i nga 5 mijë euro. Nga ky projekt ka përfituar rrugët më të frekuentuara të Ferizajt, të cilat kanë e kanë pasur një sistem të vjetër të ndriçimit publik.
Projekti “zbatimi i masave të efiçiencës së energjisë në institucionet publike në kuadër të realizimit të planit kombëtar të energjisë efiçiente sipas kërkesave të BE-së dhe Traktit të Këshillit të Energjisë zbatimi i vendimit të qeverisë për poqa kursyes-ndriçimi i rrugëve publike”, për qytetin i Ferizaj i cili ka filluar të zbatohet qysh nga muaji tetor ka përfunduar në muajin nëntor. Punët në këtë projekt janë realizuar sipas paramasve dhe parallogaritë së paraparë nga ana e kompanisë”Termomontim” nga Prishtina e cila është përzgjedhur si fituese e tenderit të këtij projekti.
