Sipas këtij dokumenti buxheti komunal i këtij viti peshon 19 milionë e 800 mijë euro, që shprehur në përqindje është për 4.9 për qind, më i lartë se i këtij viti. Me këtë rast Kryetari i komunës së Ferizajt, Bajrush Xhemajli, u shpreh se stafi profesional i administratës që drejton, ketë dokument me rëndësi të veçantë e ka hartuar mbështetur në kërkesat substanciale të vetë qytetarëve, dhe prioriteteve të deklaruara, pas takimeve që ka zhvilluar në terren, si në lagje të qytetit ashtu edhe nëpër fshatra të tërë.
"Kujtoj se draft-projekti buxhetor për vitin e ardhshëm, është në funksion të zhvillimit dhe ngritjes së mirëqenies së qytetarëve të kësaj komune”, ka thënë Xhemaili.
Kryetari Xhemaili ka folur edhe shkallën e investimeve në projektet kapitale për vitin e ardhëshëm, dhe është shprehur se ai buxhet do të jetë në vlerë prej, 6.3 milion euro, përderisa ka shpjeguar se fjalën kryesore të investimeve për 2012 do të kenë rregullimi i kanalizimit në çdo lokalitet të kësaj ane, me qëllim që të heqi nga agjenda kjo problematikë shumë e ndjeshme për qytetarë.
"33 projekte do të planifikuara janë për kanalizime në fshatra, 17 rrugë presin të asfaltohen. Do të ndërtohet Qendra Emergjente, Qendra 2 e Zjarrfikësve, disa projekte plus nga sfera e arsimit, kultura dhe ato ambientale"është shprehur Xhemaili.
Pas debatit i cili është zhvilluar në këtë mbledhje të Kuvendit të Komunës këshilltarët kanë votuar këtë projekt-buxhet, ndërsa LDK-ja dhe PDAK-ja nuk e kanë votuar.
Në këtë mbledhje është miratuar edhe draft rregullorja mbi vendosjen e tatimit në pronë për vitin 2012, si dhe është dhënë edhe një informatë për vitin e ri shkollor 2011-2012.
Këshilltarët komunalë të Ferizajt i kanë dhënë dritën jeshile këtë të premte, draft-propozimit buxhetor për vitin 2012.
