Me ftesë të Asociacionit FOCUS EUROPA, delegacioni i Asociacionit të Komunave të Kosovës (AKK) përbërë i nga kryetari z.Bajrush Xhemaili dhe Drejtori Ekzekutiv z.Sazan Ibrahimi po qëndrojnë në Bruksel. Gjatë kësaj vizite delegacioni i AKK-së u prit në takime të ndara
• Znj. Doris Pack – përfaqësuese e Delegacionit për marrëdhënie me Shqipëri, Bosnje dhe Hercegovinë, Kosovë, Serbi dhe Mal të Zi të Parlamentit të Evropës;
• Gabriele Albertini- Kryesues i Komitetit për Marrëdhënie të Jashtme të Parlamentit të Evropës;
• Znj. Urike Lunacek, anëtare e Komitetit për Marrëdhënie të Jashtme të Parlamentit të Evropës;
• Z. Eduard Kukan– përfaqësues i Delegacionit për marrëdhënie me Shqipëri, Bosnje dhe Hercegovinë, Kosovë, Serbi dhe Mal të Zi të Parlamentit të Evropës;
• Z. Lawrence Meredith-Drejtoria e përgjithshme, Udhëheqës i sektorit –përgjegjës për Kosovë në Komisionin Evropian;
• Z.Ilir Dugolli, Ambasador i Republikës së Kosovës në Bruksel.
Me këtë rast, delegacioni i AKK-së i kryesuar nga Kryetari z.Xhemaili, informoi nikoqirët rreth,
punës dhe aktiviteteve të Asociacionit të Komunave të Kosovës, të arriturave të Autoriteteve Lokale në Kosovë, zhvillimet e fundit pas zgjedhjeve lokale të vitit 2009, të arriturat rreth procesit të decentralizimit, krijimin dhe funksionimin e komunave të reja si dhe involvimin e komunave të reja në jetën institucionale në Kosovë, bartjen e kompetencave nga niveli qendror në atë lokal: shërbimet sociale si dhe bartja e mëtutjeshme e kompetencave nga niveli qendor në atë lokal të menaxhimit të pyjeve, menaxhimit të mbeturinave etj, involvimin e AKK-së në jetën institucionale dhe rreth hartimit të legjislacionit që ka të bëjë me autoritetet lokale në Kosovë si dhe Kërkoi ndihmë edhe të mëtutjeshme të Parlamentit dhe Komisionit Evropian në fuqizimin edhe të mëtutjeshëm të demokracisë lokale në Kosovë.
Në këto takime, të gjithë u shprehen të gatshëm që edhe më tutje të vazhdohet me përkrahjen e proceseve pozitive që ia hapin mundësinë Kosovës për integrime në Bashkimin Evropian.
Gjithashtu ishte një interesim i veçantë rreth involvimit të komunave të reja në Institucionet e Kosovës dhe në Asociacionin e Komunave të Kosovës ku ata shprehen kënaqësinë për punën dhe aktivitetet që ndërmerr AKK-ja në këto procese.
Kryetari i AKK-së falënderoi Komisionin Evropian për punën dhe investimet e deritanishme dhe shtoi se përkundër angazhimeve të këtij institucioni në ndërtimin e kapaciteteve, fokusi i mëtutjeshëm i Komisionit Evropian duhet të përqendrohet në projektet që kanë të bëjnë me Investime Kapitale sepse në këtë mënyrë përmirësohet jeta e qytetarit në Kosovë.
Gjatë ditëve në vijim, delegacioni i AKK-së do të vazhdoj takimet me zyrtarët më të lartë të FOCUS EVROPA në mënyrë që të gjenden modalitete dhe mundësi të bashkëpunimit të këtij Asociacioni me Asociacionin e Komunave të Kosovës në përkrahje të autoriteteve lokale në Kosovë si dhe gjetjen e mundësive të binjakëzimit të Komunave të Kosovës me komunat në Evropë. Në fokus të veçantë do të jenë investimet e mundshme në Komunat e Kosovës përmes mekanizmave dhe fondeve ndërkombëtare.
Me ftesë të Asociacionit FOCUS EUROPA, delegacioni i Asociacionit të Komunave të Kosovës (AKK) përbërë i nga kryetari z.Bajrush Xhemaili dhe Drejtori Ekzekutiv z.Sazan Ibrahimi po qëndrojnë në Bruksel.
