Me këtë rast Kryetari i komunës së Ferizajt, Bajrush Xhemaili , para zv/ministrit të Punëve të Brendshme Izmi Zeka, është zotuar se të gjithë ata banorë të komunës së Ferizajt, të cilët nuk janë në Kosovë , mund të absorvojnë kërkesat e tyre në mënyrë që ato edhe të shqyrtohen.”Ne jemi të përgatitur për këtë mbi bazën e strategjisë që është kërkuar më herët nga ne , dhe mbi bazën e trajnimeve që kanë bërë 14 punonjës të administratës komunale. Kemi stafin e mjaftueshëm që t’ju përgjigjemi kërkesave të tyre” , ka thënë Xhemaili, ndërsa ka bërë të ditur se deri më tani vetëm 44 persona janë lajmwruar 2 prej të cilëve kanë kërkuar ndihmë në strehim dhe në aspektin ekonomik kurse të tjerët nuk kanë pasur nevojë. “Ajo çka vlen të theksohet nuk kanë pasur fëmijë që të integrohen në sistemin e shkollimit në Republikën e Kosovës, prandaj nuk kemi pasur nevojë që të mbajm edhe ndonjë kurs eventual që i nevoitet për fëmijët që kthehen ose ndonjë të sëmurë i cili sigrisht se do të trajtohet menjëherë në institucionet tona shëndetwsore”, ka thënë kreu i Komunës së Ferizajt, Bajrush Xhemaili.
Nga ana tjetër z/ministri , Izmi Zeka ka thënë se është tejet i kënaqur që Ferizaj dhe kryetari Bajrush Xhemaili , kanë qenë të informuar mjaft mirë me procesin e riintegrimit dhe riatdhesimit. ”Edhe ministria e Punëve të Brendshme është e përgatitur dhe janë të dedikume 3.5 milion euro, pikërisht për integrimin e të riatdhesuarëve në Kosovë”, ka thënë Zeka.
U bë e ditur se edhe Komuna e Ferizajt, mund të përfitojë nga grante prej 3.5 milion euro për riintegrim e qytearëve prej shtetev të tjera që vinë.
Zv.ministri i Punëve të Brendshme , Izmi Zeka është pritur nga kreu i komunës së Ferizajt Bajrush Xhemaili. Gjatë këtij takimi janë diskutuar çështje të rëndësishme që kanë të bëjë kryesisht me riintegrimin dhe riatdhesimin e qytetarëve të cilët nuk janë në Kosovë.
