Kryetari i Komunës së Ferizajt, Bajrush Xhemaili dhe drejtori i Drejtorisë Komunale të Arsimit në Ferizaj, Agim Berisha, kanë pritur sot në një takim qytetarin e nderit të komunës sonë , Don Sandro Shaboleta, drejtorin e Caritasit të Kosovës, Don Viktor Sopin, Pal Baftiun si dhe njërën nga studentët ferizajase që aktualisht po i kryenë studimet në Tern të Italisë.
Kryetari i Komunës së Ferizajt menjëher pas takimi ka theksuar se gjatë këtij takimi kanë biseduar çështje të rëndësishme si dhe për projektet të cilat janë realizuar dhe ndihmuar nga Terni dhe Don Sandro Shaboleta. Ai ka thënë se si komunë tashmë i kanë dy projekte të mëdha, me qyteti e Ternit dhe ipeshkvin italiane si dhe Ferizaj është i binjakëzuar me Ternin.”Ju e dini që është projekti lidhur me studentët që kemi atje , ne si Ferizaj, por janë edhe studentë nga komuna e Gjilanit. Pastaj është Qendra Sociale që kemi në fshatin Dubravë, që është donacion nga Italia nga ipeshkvia italiane”, ka thënë kryetari Xhemaili, ndërsa ka shtuar se së bashku me Don Sandron kanë bashkëbiseduar dhe kanë ardhur në përfundim se vërtet që të dyja këto projekte kanë shkuar mirë dhe Don Sandro është shumë i kënaqur me të dyja këto projekte. Nga ana tjetër, Don Sandro Shaboleta, ka falënderuar kryetarin për mirëpritjen e bërë, si dhe ka thënë se edhe në të ardhmen, do të përkrahë Komunën e Ferizajt.”Tashmë nuk ndihem si mysafir, por si qytetarë i Ferizajt, edhe pse ende nuk jam i emëruar me dokumente, por zemrën e kam gjithmonë këtu me juve”, ka thënë Shaboleta, ndërsa ka theksuar se me sinqeritetin më të madh është i kënaqur me Qendrën në Dubravë të Ferizajt.”Është meritë e Komunës , por edhe e Caritasit, sepse pashë shumë fëmijë, që po mësojnë në qendrën e Dubravës, kam pa shumë njerëz që punojshin aty dhe ishin të gjithë së bashku. Kur më thoshin se vetëm po hargjoja para në Qendrën e Dubravës tash mundem me thanë se nuk kanë pasur të drejtë për ato fjale, ne kemi pasur të drejtë që të qojmë përpara këtë projekt. Tash mundem me kthy në Itali me shumë lumturi dhe harmoni atje”, ka thënë Don Sandro Shaboleta.
Ai gjatë konferencës me gazetarë ka bërë të ditur se deri më tash kanë dërguar për shërim në Itali 91 fëmijë, ndërsa 40 persona të tjerë të moshës së rritur.”Gjatë këtyre ditëve i kemi tre fëmijë që janë për shërim në Itali, dy janë prej Ferizajt dhe një prej Prishtinës”ka thënë Shaboleta.
Don Sandro Shaboleta me këtë rast ka theksuar se edhe studentët ferizajas që studimet e tyre po i kryejnë në Itali , janë duke treguar rezultate të kënaqshme dhe në një të ardhme të afërt ata do të kthehen dhe do të japin kontributin e tyre në Kosovë.
Biseduan çështje të ndryshme
