Në vazhdën e vizitave që ka mbajtur kryetari i Komunës së Ferizajt, Bajrush Xhemaili së bashku më nënkryetarin e Komunës , Besim Zymberin , një të tillë e ka mbajtur me banorët e fshatit Komogllavë, Nikadin, Varosh, Gërlic dhe Rakaj. Me këtë rasti, numri një i qevërisë lokale të Ferizajt, banorëve të këtyre fshatrave u ka thënë se ka ardhur që nga afër të dëgjoj problemet me të cilat ballafaqohen banorët e kësaj zone.”Edhe pse nuk është më ligj, ne kemi fillu të mbajm takime konsultative me të gjitha banorët e qytetit, por edhe fshatrave të komunës së Ferizajt. Dëshirojmë të dimë nga afër se cilat janë problemet, por edhe propozimet e juaja për vitin 2012”, ka thënë Xhemaili, ndërsa ka shtuar se buxheti për investime kapitale në vitin 2012 kap shumë mbi 6 milion e 100 mijë euro, ndërkaq buxheti në tërësi për paga dhe shërbime të tjera është mbi 18 milion euro.
Nga ana tjetër qytetarët janë ata që më së shumti i kanë preferuar diskutimet e hapur në këtë mënyrë me kryetarin e Komunës Bajrush Xhemailin. Ata kanë parashtruar edhe kërkesat e tyre të cilat ishin të fokusuara kryesisht në infrastrukturë.
Nazmi Tifeku, banorë i fshatit Rakaj ka thënë se rrjeti i ujësjellësit është prioritet për këtë fshat. Ai po ashtu ka thënë se fshatit të tij i mungon një ambulantë, ndërsa shkollës së fshati duhet t’i shtohet edhe një aneks shkollor, në mënyrë që të rritet hapësira e cila është e pamjaftueshme.
Ismajl Qazimi, drejtor i Shkollës Fillore,”Besim Rexhepi” në Komogllavë është interesuar për shkollën e re e cila ishte premtuar që të ndërtohet në fshatin Komogllavë. Ai po ashtu ka kërkuar që në këtë fshat të bëhen trotuaret për shkak se rrugët janë shumë të ngarkuare dhe fëmijët janë ata të cilët më së shpeshti atakohen nga aksidente të ndryshme, që ndodhin rrugës për në shkollë.
Ndërsa, Adhurim Halili, ka pyetur rreth çështjes së fushës sportive e cila ka mbetur pa u përfunduar në fshatin Komogllavë.
Në këtë takim kishe edhe kërkesa të shumta të banorëve të cilat ishin kryesisht për rrjet të dobët elektrik, asfaltim të rrugës, ujësjellës dhe kanalizim. Me këtë rast kryetari i Ferizajt, Bajrush Xhemaili, ka thënë se të gjitha propozimet e tyre dhe kërkesat, do të merren parasysh gjatë hartimit të projekt buxhetit të vitit 2012.
Drejtues të qeverisë lokale të Ferizajt, kanë mbajtur takime konsultative edhe më banorët e fshatrave: Jezerc, Nerodime e Poshtme, Nerodime e Epërme, Manastirc, Balaj, Dremjak, Lloshkobare, Slivovë , Koshare, Muhoc, Talinovc i Jerlive, Prelez i Jerlive, Tërrn, Bablak, Prelez i Muhagjerve, Surqinë, Cërnill, Mirash, Fushë e Madhe , Talinovc i Muhaxherve, Sazli, Softaj, Mirosalë, Rahovicë, Papaz, Pojat, Bibaj, Fshat i Vjetër, Sojevë, Zllatar dhe Dardani.
Qytetarët kanë pasur një varg kërkesash dhe propozimesh, për kryetarin e Komunës së Ferizaj, Bajrush Xhemaili.
