Me qëllim që këto institucione të mos ndihen të vetmuara në natën më të hareshme të vitit e cila për ta ishte ditë punë, kryetari i komunës së Ferizajt,Muharrem Svarqa, vizitën e parë e kanë zhvilluar në Qendrën e Stërvitjes dhe Doktrinës së Forcës së Sigurisë së Kosovës, ku është pritur nga nënkolonel Bekim Zejnullahu.
Kryetari Svarqa më këtë rast ka potencuar se kjo vizitë është bërë më qëllim të vetëm që këtë gëzim të ndërrimit të motmoteve ta ndajë së bashku me të gjithë punëtorët, të cilëve nata më e hareshme e vitit u ka qëlluar edhe natë pune. Më pas, Svarqa, ka diskutuar edhe për çështje të shumta që i përkasin Forcës së Sigurisë së Kosovës, duke thënë se bashkëpunimi me këtë forcë gjithmonë do të jetë në suaza të normales.
Vizitën e tij, kryetari i komunës së Ferizajt e ka vazhduar edhe në Brigadën e Zjarrfikësve të Ferizajt, ku në prag të ndërrimit të moteve, në punë kishin qëlluar shtatë zjarrfikës, të cilët po festonin në vendin e tyre të punës.
Me këtë rast, kryetari Muharem Svarqa, ka përgëzuar këta punëtorë duke ju dëshiruar suksese dhe punë të mbarë në vitin që sapo kemi hyrë, si dhe realizim të dëshirave të tyre, për një mirëqenie sa më të mirë për ta dhe familjet e tyre.
Kryetari i Komunës së Ferizajt, më tej ka vizituar edhe drejtuesit e Policisë së Kosovës ku është pritur nga zv.komandanti i policisë Xhavit Xhokli. Aty kryetari Svarqa ka uruar që në vitin e ri, policia e qytetit të ketë sa më pak punë dhe të kontribuojë sa më shumë në aspektin e sigurisë për komunën tonë dhe me gjerë.
Muharem Svarqa, kryetar i komunës së Ferizajt, është pritur edhe nga ud e drejtoreshës së Qendrës Kryesore të Mjekësisë Familjare në Ferizajt,Ibadete Bucaliu-Ismajli me stafin e saj punues, të cilët ishin ne vendin e tyre të punës, duke trajtuar raste të shumta emergjente në këtë natë feste.
I pari i qytetit të Ferizajt, vizitën e tij, e përfundoi në spitalin rajonal ku u prit nga drejtori i këtij spitali, Bejtush Jaha dhe stafi tjetër i mjekëve kujdestarë. Kryetari Svarqa më këtë rast ka dhuruar edhe një buqetë me lule për nënën e cila kishte sjellur në jetë foshnjës e saj të tretë në përfundim të vitit 2015.
Në ndërrimin e motmoteve, kryetari i komunës së Ferizajt, Muharem Svarqa me bashkëpunëtorët e tij ka vizituar institucionet e ndryshme publike të këtij qyteti.
