Xhemaili me këtë rast ka thënë se ndahen të kënaqur me punën e deritanishme të kolonelit duke thënë se veç misionit të sigurisë, ai ka mbështetur edhe në forma të ndryshme qytetarët e vendit.”Vërtetë kemi pasur një bashkëpunim të shkëlqar, dhe shpresoj që edhe në të ardhmen të na vizitojë si miq. Unë jam shumë i kënaqur që pata rastin ta takojë këtë komandant. E them publikisht se do të vizitojë atë në Selanik” ka thënë Xhemaili, duke i dhuruar në shenjë falënderimi një libër që kishte të bënte me masakrën e burgut të Dubravës, që Xhemaili ishte ndër të mbijetuarit.
Ndërsa, komandanti grek në largim koloneli ,Georgios Chatzitheofanous me emocione të veçanta ka zhvilluar takimin me kryetarin Xhemaili,duke thënë se këta njerëz dhe këto autoritete do të mbeten të paharruara për të mirë në kujtesën e tij.
“Mund të them dy fjalë për kryetarin ,ai është një politikan tejet i mirë që krahas Kosovës, i nevojitet edhe Ballkanit. Më kujtohet një rast kur ne e ftuam kryetarin për të marrë pjesë një shpërndarje ndihmash për qytetarët skamnorë dhe se ai për shkak se ishte fushatë zgjedhore nuk pranoi të vinte, duke thënë se populli mendojnë që me këtë po kërkoj votën e tyre. Kështu që ai u tregua shumë demokrat”, ka thënë Chatzitheofanous
Edhe komandanti i ri i KFOR-it grek, koloneli Lampros Tzoumis, ka thënë se do të punojë dhe do të angazhohet për të kryer një mision të denjë në Kosovë.
Ish komandanti i KFOR-it grek koloneli Georgios Chatzitheofanous ka qëndruar në Kosovë afro 19 muaj.
Bajrush Xhemaili, kryetar i Komunës së Ferizajt, ka pritur në një takim përshëndetës komandantin në largim të KFOR-it grek në Kosovë, para se ai të përfundojë së kryesuari misionin e tij paqeruajtës.
