Me rastin e shënimit të përvjetorit të 15 të Masakrës së Reçakut, kryetari i komunës së Ferizajt, Muharem Svarqa, këtë të mërkurë ka bërë homazhe në kompleksin memorial në Reçak. Ai me këtë rast ka thënë se Masakra e Reçakut, ka qenë kthesë historike në Kosovë. Ai ka pasur edhe një prononcim për media ku ka thënë se vlerësimin që ka dhënë ish ambasadori i OSBE-së në Kosovës, William Woker, ka bërë që intervenimi i NATO-së në Kosovë të jetë i pashmangshëm.
"William Waoker ish shef i OSBE-se në Kosovë, i tregoi botës se çfare ndodhte me popullsinë civile, është një vend që tregon dhimbjen e madhe që kemi përjetuar me shekuj", ka thënë kryetari Svarqa.
Masakra e Reçakut ka tmerruar botën dhe zgjoi ndërgjegjen e diplomacisë botërore duke u mobilizuar për Kosovën. Kështu quhet Masakra e Reçakt e cila ka ndodhur me 15 janar të vitit 1999, ku u vranë mbi 45 civil shqiptarë, në mesin e tyre edhe 8 pjesëtar të UÇK-së. Ngjarjet e 15 janarit 1999 në Reçak tashmë paraqet një fillim të fundit të gjithë asaj që okupimi ushtarak i Beogradit i shkaktoi Kosovës, dhunës së pandjeshme, shkatërrimin e çmendur, jotolerancën etnike. Sepse tmerret e shkaktuara në fshatin Reçak sollën në vëmendje gjithë botën e civilizuar dhe shpalosi të vërtetën rreth planit gjenocidal të Milosheviçit.
Numri një i qytetit të Ferizajt, Muharem Svarqa me bashkëpuntorët e tij, ka bërë homazhe në kompleksin memorial në fshatin Reçak.
