Këtë të hënë zyrtarë të komunës së Ferizajt, kanë diskutuar me qytetarët për procesin e riatdhesimit dhe riintegrimit, proces ky i cili i është i vënë si kusht Kosovës për liberalizimin e vizave. Komuna e Ferizajt ,përkatësisht administata komunale ka shprehë përkushtimin e saj duke thënë se është e gatshme për të ndihmuar dhe riitegruar personat e riatdhesuar.Vesel Zhinipotoku,drejtor komual i Administratës dhe Personelit në Ferizaj, ka potencuar se janë duke marrë të gjitha veprimet në bazë të strategjisë së aprovuar për personat e riatdhesuar ,duke iu krijuar kushte të favorshme për jetesë, përmes faktorëve të ndryshëm relevantë.
Edhe Xhevahire Rexhepi,zyrtare e Zyrës për Kthim në komunën e Ferizajt përmendi disa nga kriteret që duhen të plotësojnë këta persona për riatdhesim,duke përmendur faktin që deri më tash në këtë komunë janë lajmëruar 28 familje ,ku 12 kërkesa vetëm janë përcjellë për shqyrtim në organet përkatëse.Ndërkaq,qytetarët që tashmë janë kthyer në Kosovë,në këtë rast në Ferizaj ,të pranishëm në këtë debat kanë shfaqur kërkesat e tyre në adresë të komunës, që kishin të bënin me fushën e shëndetësisë,mirëqenies sociale etj.
Kurse për atë se çfarë mund të bëjnë për këta persona institucionet e inkorporuara në këtë proces, foli edhe Musa Baftiu ,drejtor I Qendrës për punë dhe mirëqenie Sociale në Ferizaj.Ai tha se çdo familje që ka nevojë të futet në skemën sociale duhet të plotësojë edhe kriteret e parapara me ligj.
Ndërkohë,në vitin 2010 në komunën e Ferizajt janë riatdhesuar 256 persona,kurse sot për këtë proces të riintegruarit janë njoftuar me të gjitha të drejtat që dalin nga Strategjia për kthim dhe riintegrim .
U diskutuan çështje të rëndësishme
