Gjatë ditës së sotme Kryesuesja e Kuvendit të Komunës së Ferizajt, Kristina-Gashi-Bytyçi, ka mbajtur mbledhjen e gjashtë të rregullt të Komitetit për Politikë dhe Financa.
Kryesuesja e Kuvendit të Komunës Kristina Gashi-Bytyçi, para anëtareve të KPF-së ka prezantuar edhe pikat e rendit të ditës të cilat ishin përgatitur për këtë mbledhje.
Në këtë mbledhje drejtorja e financave, Sebahati Ajeti-Sadiku, ka bërë propozim-vendimin për ndarjen e rezervave buxhetore për vitin 2020. Sipas saj ky propozim ka ardhur bazuar në shkresën e Ministrisë së Financave për shfrytëzimin e rezervave buxhetore të komunave, këto mjete do të ndahen në kuadër të kategorisë së shpenzimeve të rezervave që kanë qenë të parapara për mbulimin e obligimeve eventuale nga Ligji i Pagave në Sektorin publik.
“Meqë ky ligj nuk ka hyrë në fuqi, shfrytëzimi i këtyre mjeteve është rregulluar me nenin 5 të Ligjit për rishikim ku thuhet se rezervat ne buxhetet komunale, me vendim të Ministrit mund të bartën ne kategorinë e pagave dhe shtesave, në varësi nga hyrja ne fuqi e Ligjit Nr.06/L-111 për Pagat në sektorin Publike”, është shprehur drejtorja Ajeti-Sadiku, përderisa ka bërë të ditur edhe bartjen e këtyre rezervave se ku do të bëhen.
Pro këtij propozim-vendimi ishin përfaqësuesit e të gjitha subjekteve politike.
Kryesuesja e Kuvendit të Komunës Kristina Gashi-Bytyçi, para anëtarëve të Komitetit për Politikë dhe Financa, ka bërë propozim-vendimin për daljen ne diskutim publik të Draft Rregullores për Përkujdesjen e fëmijëve, ku edhe ky propozim morri dritën jeshile nga anëtarët e KPF-së.
Poashtu në këtë mbledhje janë diskutuar edhe raporti financiar për periudhën Janar-Qershor 2020 si dhe raporti i Auditimit të Komunës së Ferizajt për vitin 2019.
Këto propozim-vendime pritet të diskutohen ne mbledhjen e Kuvendit të Komunës me datën 31 gusht duke filluar nga ora 10:00 në teatrin e qytetit “Adriana Abdullahu” në Ferizaj.
