Komiteti për Politikë dhe Financa, në takimin e sotëm të drejtuar nga Kryesuesi i Kuvendit të Komunës së Ferizaj, z.Agim Aliu, ka shqyrtuar projekt-buxhetit për vitin 2011-2013. Ky Komitet i ka dhënë dritën e jeshile projekt buxhetit të propozuar nga Kryetari i Komunës së Ferizajt, z. Bajrush Xhemaili. Pritet që projekt buxheti për vitin 2011-2013 të shqyrtohet edhe në mbledhjen e radhës së Kuvendit të Komunës së Ferizajt, i cili do të mbahet ditën e hënë me fillim prej orës 10.
Sipas z. Mustafa Grainces, projekt- buxhetit 2011-2013 është bazuar në qarkoret buxhetore 2011/01 dhe 2011/02 të lëshuara nga Ministria e Ekonomisë dhe Financave (MEF), Kornizën Afatmesme Buxhetore 2011/2013 (KAB) e cila është diskutuar dhe në parim e përkrahur nga anëtarët e kuvendit të komunës në seancën VI të rregullt, si dhe nga diskutimi publik me qytetarët të organizuar nga Kryetari i Komunës.
Procesi i hartimit të projekt buxhetit është zhvilluar kryesisht duke respektuar instruksionet e qarkoreve buxhetore sidomos qarkores 2011/02 e cila ka përcaktuar edhe kufijtë final të financimit për vitin fiskal 2011, të përcaktuar nga komisioni i granteve në nivelin qendror. Kështu bazuar në kufijtë final, buxheti i vitit 2011 për organizatën tonë buxhetore është 16 741 547.00€ apo 2.95% më i lart se buxheti i vitit 2010 i rishikuar (16 261 478 €).
Nga 38 komunat sa ka tani Republikën e Kosovës, komuna jonë rangohet si e treta me vlerë të buxhetit pas Komunës së Prishtinës dhe Prizrenit. Drejtori Grainca, ka thënë se Edhe pse kemi një rritje të buxhetit 2011 për 2.95% krahasuar me buxhetin e vitit 2010 (të rishikuar) edhe në këtë kuot financiare duhet konstatuar se buxheti nuk është i mjaftueshëm për të përmbushur e nevojat e qytetarëve të komunës sonë në tërësi si dhe ngritur në nivelin e dëshiruar trendin e zhvillimit ekonomik, mirëpo e rëndësishme është që këto mjete që do të kemi në disponim gjatë vitit fiskal 2011 ti shfrytëzojmë me efikasitet të plotë, në përputhshmëri me prioritetet e përcaktuara si dhe në harmoni me infrastrukturën ligjore e cila rregullon fushën e shpenzimeve të parasë publike.
Komiteti për Politikë dhe Financa, në takimin e sotëm të drejtuar nga Kryesuesi i Kuvendit të Komunës së Ferizaj, z.Agim Aliu, ka shqyrtuar projekt-buxhetit për vitin 2011-2013. Ky Komitet i ka dhënë dritën e jeshile projekt buxhetit të propozuar nga Kryetari i Komunës së Ferizajt, z. Bajrush Xhemaili.
