Në një drekë të shtruar në kampin grek “Rigas Ferros”, për rreth 40 pensionistë, ku të pranishëm ishin edhe pjesëtarë të Policisë së Kosovës, pjesëtarë të FSK-së, si dhe kryetari i Komunës së Ferizajt, Bajrush Xhemaili me bashkëpunëtorë, komandanti i KFOR-it grek kolonel Georgios Chatzitheofanous, ka thënë se kjo drekë është shtruar në shenjë nderimi për këtë kategori të çmuar të shoqërisë. “Mund të them se duhet t’i respektojmë gjithmonë më të vjetrit. Për ta ne çdoherë kemi pasur nevojë. Prej tyre ne mësojmë të krijojmë një të ardhme të mirë për fëmijët tanë”, ka thënë Chatzitheofanous, duke bërë të ditur se pensionistët e Komunës së Ferizajt, ekpiet mjekësore nga kampi grek, do t’i vizitojnë çdo dy javë. “Kemi munguar këta muaj me vizta. Shpresoj që tani do t’a plotësojmë atë që ka munguar kohë më parë. Vizitat tani do t’i bëjmë çdo 15 ditë, se secili nga ata që ka nevojë më të shpeshtë për kontrollë, mund të vijnë në kampin tonë edhe para 15 ditëve”, ka thënë Chatzitheofanous
Po ashtu komandanti i forcave grek, njoftoi se do t’a rregullojnë edhe oborrin e shtëpisë së pensionistëve. “Të gjithë rregullimin do t’a bëjëm ne, edhe shpenzimet edhe punën”, ka thënë Chatzitheofanous.
Nga ana tjetër, Vesel Berisha, kryetar i shoqatës së pensionistëve në Ferizaj, ka thënë se komandanti i forcave greke Chatzitheofanous ditë më parë kësaj shoqate i kishte bërë një vizitë. Berisha ka thënë se u janë mirënjohës KFOR-it grek për ndihmën që po ofron në vazhdimësi dhe për projektet bamirëse që do t’i zhvillojë së shpejti për shoqatën e pensionistëve. “KFOR- grek gjithnjë po na ndihmonë tashmë janë zotuar se çdo dy javë do të na bëjnë vizita të regullta mjesësore dhe do të bëjnë edhe rregullimin e infrastrukturës që është afër shoqatës së pensionistëve”, ka thënë Berisha.
U bë e ditur se batalioni i forcave greke, të gjitha këto shërbime për pensionistët e Komunës së Ferizajt është duke i bërë në mënyrë vullnetare.
Kushte më të mira për objektin ku qëndrojnë pensionistët në Ferizaj, si rregullimin e tij, rregullimin e oborrit si dhe shërbime mjekësore çdo 15 ditë për pensionistët e Komunës së Ferizajt, u ka premtuar të martën komandanti i KFOR-it grek, kolonel Georgios Chatzitheofanous
