Kërkojnë përmirësimin e kushteve të jetesës

Koordinatorja e Shoqatës për persona me aftësi të kufizuar "Hendifer" Fazile Bungu, ka thënë se personat me nevojë kanë kërkesa të shumta, ndërsa sipas saj lëvizja e lirë dhe qasja në hapësirat dhe objektet publike mbetet prioritet.Ajo ka vënë në dukje se komuna duhet ti kushtoi nje kujdes edhe arsimimit të tyre dhe punësimit."Është punuar mjaftë në infrastrukturë mirëpo institucionet kanë bërë pak në përmirësimin e qasjes për këta persona.Ne kemi kërkuar lehtësira në qasje sidomos në vendkalimet dhe në institucionet publike" ka thënë Bungu, e cila ka adresuar shumë shqetësime që lidhen edhe me aspektin e shkollimit të këtyre personave duke përmend në radhë të parë transportin.

"Flitet shumë pak për braktisjen e shkollimit nga këta persona që vije si rrjedhoi e mungesës së transportit.Kur kësaj i shtohet se 80% e tyre janë raste sociale ky problem bëhet edhe më i rëndë për ta dhe prindërit e tyre" ka thëënë Bungu.

Në anën tjetër përfaqësuesit e institucioneve kanë thënë se komuna po punon në përmirësimin e kushteve për këta persona.Ata kanë përmend se implementimi i projekteve të reja do t’i merr për bazë edhe kërkesat e kësaj kategorie.Ibrahim Hyseni, drejtor i Drejtorisë për Shërbime Publike, ka thënë se në këtë drejtim mbetet shumë për tu bërë ngase edhe ligji në fuqi kërkon të rrespektohën këto shqetësime që u ngritën nga përfaqësuesit e kësaj kategorie."Duhet të punohet shumë sidomos në projektet e reja të cilat duhet të implementohën tash në kuadër të komunës me qëllim që tu mundësohet një qasje sa më e mirë e këtyre njerëzve si në hapësirat publike, në rrugë e gjithkund " ka thënë Hyseni

Edhe zyrtarët e arsimit kanë thënë se komuna veç organizimit të procesit të mësimit për këta persona po organizon edhe transportin e tyre jo vetëm në teritorin e komunës por edhe jashtë saj.Sami Vranovci, zyrtarë i arsimit ka thënë se janë 116 fëmijë me nevojë që i ndjekin mësimet në shkollat e këtushme."Në dy shkolla fillore të komunës i kemi klasat e bashkangjitura në të cilat mësimet i ndjekin nxënësit e kësaj kategorie.Për ta sigurojmë transportin nga shtëpia në shkollë dhe anasjelltas, por organizojmë transportin edhe për në komunat tjera si në Prishtinë, Pejë e Prizren" ka thënë Vranovci.

Ndonëse ka përmirësime të dukshme në aspektin e përmirësimit të kushteve, nga debati doli se trajtimi i barabart i këtyre personave mbetet sfidë për shoqërinë.

Ndryshe, nga një hulumtim i bërë nga UNDP-ia kohë më parë ka dalë se kjo kategori mbetet më e diskriminuara në shoqërinë kosovare sidomos në zonat rurale duke përmendur problemet me qasjen, shkollimin dhe punësimin.

Personat me aftësi të kufizuar të Ferizajt në një debat të organizuar nga OSBE-ja u kanë kërkuar të mërkurën institucioneve lokale të bëjën më shumë në përmirësin e kushteve për qasjen e tyre në hapësirat publike, tu krijojnë më shumë kushte për shkollim dhe punësim.

Kërkojnë përmirësimin e kushteve të jetesës

Si mund të?

Si mund të?