Kikboksieri Kadri Murseli, është shpallur sportisti më i mirë i vitit 2013. Ky i ri ka rrëmbyër këtë çmim pas rezultateve të mëdha, veçanërisht në arenën ndërkombëtare, duke rrëmbyer titullin e kampionit të Botës dhe titullin e Kampionit të Evropës, gjatë garimit një vjeçar qytetit tonë i solli edhe shumë medalje, prandaj me plot meritë është shapllur sportist i vitit 2013, nga Komuna e Ferizajt, përktësisht nga Drejtoria për Kulturë, Rini dhe Sport.
Në këtë manifestim, kryetari i komunës së Ferizajt, Muharem Svarqa ka thënë se kjo është ngjarje e veçantë për qytetin e Ferizajt, sepse po vlersohet kontributi i të gjithë sportistëve tanë.
"Jam shumë i nderum që Ferizaj, ka dhënë shumë për sportin dhe i ka vërë një vulë jashtëzakonisht të rëndësishme këtij qyteti, duke krijuar kuadra të rëndësishëm e të përfaqësimit përmes sporteve të ndryshme, madje të të gjitha sporteve në veçanti është dalluar në hendbollin i cili ka qenë sinonim i të arriturave kryesor që i ka tejkaluar përmasat kombëtare, duke qenë përfaqësues në nivelet e garave ndërkombëtare, por që në të njejtën kohë pa harruar edhe të gjitha sportet e tjera, sidomos futbollin ku Ferizaj, ka fituar rezultate të jashtëzakonshme"ka thënë Svarqa.
Kryetari Svarqa, ka thënë se pavarësisht borgjeve që ka Drejtoria e Sportit në qytetin e Ferizajt, sportistët nuk do të dekurajohen për shkak se komuna do t’i mbështesë sportistët ferizajas. "Kjo qeverisje komunale, ka trashëguar borgje, vetem në Drejtorinë për Kulturë, Rini dhe Sport një shumë prej 450 mijë eurosh, aq sa është buxheti ynë komunal për vitin 2014. Pra ne nuk kemi asnjë cent për ta përkahur sportin, por kjo nuk do të jetë dekurajuese, sepse ne do të gjejmë mundësi tjera për ta ndihmuar sportin dhe do të gjejmë mjete tjera në dobi të sportit dhe nuk do të ketë mungesë të përkarhjes së sportit nga institucionet komunale, përkundrazi ne do të punojmë bashkë për të arritur rezultate në të gjitha diciplinat", ka thënë Svarqa.
Numri një i qytetit të Ferizajt, Muharem Svarqa, ka përkujtuar edhe të gjithë ata që që kanë dhënë kontribut të pa shoqë për sportin ferizajas.
"Kontribut të jashtëzakonshëm, ka dhënë profesori i ndjerë Ahmet Hoxha, Ramadan Rexhepi, ata të cilët kanë qenë viktma të terrorit serb, i kanë dhënë emër Ferizajt, pavarsisht se nuk ishin nga ky qytet siç ishte edhe Basri Tupella që ka kontribuar në hendbollin ferizajas, Tahir Sojeva si dhe puntorët e mediave Ismet Ramdanin dhe Haki Brahën të cilët kanë kontribuar që sporti ferizajas të njihet në tërë Kosovën", ka potencuar Svarqa.
Dhjetë sportistët më të mirë të Ferizajt janë shpallur edhe Bajram Bajrami (karateist), Vildane Jashari (volejbolliste), Visar Xhemajli (basketbollist), Aida Stagova (hendbolliste),Mimoza Islami (futbolliste) , Heset Arapi (volejbollist), Egzon Shabani (futbollist), Qëndrim Guri (çiklist) si dhe Besim Trena(bodibillder).
Çmime tjera u janë ndarë edhe Festim Mustafa për katëgorinë e juniorëve në hendboll, Bujar Tahirit në kikboks, Gent Shabanit në basketboll, Diellza Bunjakut, xhudiste si dhe Arnis Bajraktari karateist.
Në këtë ceremoni refer i vitit 2013 është shaplllur Jeton Beqiri, ndërsa trajner i vitit 2013 është shaplur Faton Xhakli.
Klubi më i suksesshëm i viti 2013 është shpallur klubi i hendbollit femrat "Kastrioti" të Ferizajt. Ndërsa sportisti më i mirë i diasporës për vitin 2013 është shapllur edhe Dardan Rexhepi i cili po tregon rezultate të dallura në Malmo të Suedisë, duke u cilësuar si një futbollist cilësor i cili mori pjesë në U18 dhe U21, duke i shpllaur golashënuesi më i mirë.
Kryetari i komunës së Ferizajt, Muharem Svarqa, ka bërë ndarjen e mirënjohjëve për më të dalluarit e sportit ferizajas.
