Në shqyrtimin publik i cili filloi këtë të premte nuk morri pjesë asnjë qytetarë i vetëm edhe pse të gjitha njoftimet janë bërë me kohë. Me këtë rast drejtoresha e Drejtorisë së Urbanizmit, Qazime Vata ka theksuar se shqyrtimi publik po bëhet pasi është hartuar plani dhe tashmë drafti përfundimtar i këtij plani do të hidhet në shqyrtim publik ashtu siç e parasheh ligji për planifikim hapsinor , që ky plan do të qëndroj për shqyrtim publik 30 ditë. “Edhe pse njoftimi ka qene në media që sot do të mbahet debati në orën 11:00, prapë nuk ka interesim edhe pse me këtë plan preken direkt apo cenohen interesat e qytetarëve, për shkak se preken pronat e tyre. Normal që më këtë plan ka qenë qëllimi që të ofrohet zgjidhje shumë më funksionale dhe të përmirësohen kushtet e jetës për pronat ku banojnë dhe jetojnë në zonën e tetë , por them se është një fatkeqësi se vet qytetarët nuk interesohen për zonën aty ku jetojnë edhe pse përkundër përpjekjeve, ne si drejtori dhe komunë në përgjithësi kemi bë çmos që t’i ftojmë qytetarët dhe të marrin pjesë edhe në takimet që në fazat e parë kur janë planifiku skenarët e rregullimit të kësaj zone e deri në përfundimin e draftit”, ka thënë Vata, ndërsa u ka bërë thirrje qytetarëve që për 30 ditë me radhe plani do të jetë në diskutim publik, ku ata mund të vinë dhe të analizojnë këtë plan.”Ata mund ti paraqesin komentet sugjerimet dhe vërejtjet e tyre të cilat vërejtje do të shqyrtohen në grupet punuese në këshillat e eksperteve ,në ekipin komunal të planifikimit dhe aty ku ka mundësi të intervenohet do të jetë shumë e mirëseardhur me qëllim të implementimit të këtij plani edhe për qytetarët, në të kundërtën plani mund të kalojë edhe pa vërejtje në kuvend, mandej do të jetë shumë më e vështire që të intervenohet në çdo reagim të qytetarëve”,është shprehur Vata.
Nga ana tjetër menaxherja e projektit nga kompani”Prima Ingjinering” nga Prishtina Afërdita Gashi, ka thënë se mos pjesëmarrja e qytetarëve në debatet publike, e dëmton mjaft shumë projektin. Sipas saj kjo dukuri e mospjesëmarrjes së qytetarëve ne debatet të tilla është evdinete në të gjitha qytete e Kosovës.”Është shumë problematike edhe përkundër formave të ndryshme që kemi përdorur për t’i ftuar qytetarët për t’ju treguar se ky projekt është direkt i lidhun me ta jetën e tyre, ky projekt ju siguron atyre jetë të mirë, jetë normale por kjo problematika e mospjesëmarrjes së qytetarëve ju shkakton direkt atyre probleme. Ne kemi dorëzu ftesat edhe shtëpi për shtëpi edhe pse jo me ligj, ne e kemi bë për me pas pjesëmarrje ma të madhe, ju kemi spjegu pse ata duhet me qenë pjesëmarrës ne këto takime, por prapë se prapë ata nuk kanë ardh”, ka thënë Gashi. Planin Rregullues të zonës së tetë të qytetit ku përfshinë rrugët :”Rexhep Bislimi” deri te “Vëllezërit Gërvalla” dhe prej “Remzi Hoxha” në pjesën mbi magjistralen “Ferizaj-Shkup”.
Qytetarët e interesuar planin rregullues të zonës së tetë të qytetit, mund ta shohin edhe ne web faqen e komunës e cila është https://ferizaj.rks-gov.net/, ndërsa vërejtjet e tyre mund t’i paraqesin edhe në e-mailin zyrtar të komunës ferizaj_komuna@yahoo.com.
Në këtë shqyrtim publik nuk morri pjesë asnjë qytetarë edhe përkundër njoftimeve të shumta .
