Halili ka thënë se gjatë vitit që e lamë pas ka zhvilluar takime me organizata të ndryshme në të mirë të shkollës dhe arsimit, janë bërë investime në shkollat e komunës së Ferizajt me mjete të DKA-s dhe të donatorëve të ndryshëm.
“Projektet e realizuara nëpër shkolla kryesisht kanë të bëjnë me rregullimin e ngrohtoreve, rrethojave të shkollave, kulmeve, terreneve sportive, dyshemeve si dhe rehabilitime tjera në shkolla, ndërsa kanë pasur një kosto prej 400 mijë euro”, ka thënë drejtori i DKA-s, Halili në konferencën për shtyp.
Halili ka thënë se një meritë tjetër që lidhet me këtë periudhë është shlyerja e borgjeve të trashëguara nga qeverisja e kaluar dhe e borgjeve që kanë pasur për mësimdhënësit, duke thënë se hëpërhë nuk i kanë askujt borgj për punën e bërë.
I pyetur për çështjen e punësimeve dhe qasjes për depolizimin e shkollave në Komunën e Ferizajt, Halili ka thënë se kuadri mësimor si dhe drejtorët e shkollave janë zgjedhur mbi bazën e konkureseve dhe normativave të MASHT-it, duke respektuar kriteret dhe në asnjë mënyrë tjetër Lidhur me largimin e punëtorëve të arsimit nga procesi mësimor, sipas rekomandimeve të Sektorit të Inspeksionit të Arsimit, Halili ka thënë se kjo është bërë për shkak se ashtu ka kërkuar MASHT-i dhe deri më tani janë larguar 5 mësimdhënës të gjuhës angleze, të cilët kanë kryer studimet pas viti 2011, ashtu siç ka kërkuar ministria.
Në këtë konferencë është folur edhe për ndërtimin e Çerdhes së fëmijëve në lokacionin te ish-tregu i kafshëve, për të cilën drejtori ka thënë se janë ndarë mjetet dhe deri në fund të këtij viti, ky objekt do të jetë i gatshëm dhe do të funksionalizohet.
I pari i arsimit në Ferizaj ka thënë se kërkesa e prindërve të shkollës fillore “Gjon Serreçi” fëmijët e të cilëve mësojnë në objektin e gjimnazit është zgjidhur , meqë është përpiluar një orar për filloristët dhe tani mësimi është duke u zhvilluar pa ndonjë problem.
Ndryshe në Komunën e Ferizajt, nxënës të tri nivele janë 25 mijë e 340, ndërsa numri i punëtorëve të arsimit është 1880.
Drejtori i Drejtorisë së Arsimit në Ferizaj, Muhamet Halili ka prezantuar punën që është bërë gjatë vitit 2015, në lëmin e arsimit, si dhe ka folur për prioritetet, të cilave do t’u kushtohet rëndësi gjatë këtij viti.
