Ky implementim i projekteve në kuadër të programit IV dhe V të Sektorit është mundësuar përmes kredisë afatgjate që KOSTT e ka siguruar nga Banka Gjermane për Zhvillim si dhe nga financimi shtesë në formë grandi nga Komisioni Evropian përmes programit IPA
Naim Bejtullahu, Kryeshef Ekzekutiv në KOSTT me këtë rast falënderoi bashkëpunëtorët e huaj për mundësimin e këtyre kredive.
“Operimi i sigurt dhe i besueshëm i Sistemit transmetues është qenësor për funksionimin e tërësishëm të Sistemit Elektroenergjetik të Republikës së Kosovës,prandaj u jam mirënjohës bashkimit Evropian Qeverisë Gjermane e në veçanti Kfë –së për mbështetjen financiare për zhvillimin dhe modernizimin e Sistemit Transmetues . Qëllimi ynë zhvillimi dhe modernizimi i Sistemit Transmetues konform standardeve dhe kritereve teknike në ENTSO (Organizata Evropiane e Operatorëve të Sistemit të Transmisionit) dhe krijimin e parakushteve për zhvillim ekonomik dhe industrial të vendit“ tha Bejtullahu.
Ndërkaq Ministri i Zhvillimit Ekonomik Blerand Stavileci vlerësoi se infrastruktura energjetike është një parakush kryesor për zhvillimet e tjera ekonomike
“Në vendin tonë pas luftës janë të nevojshme edhe shumë investime ,si në infrastrukturë dhe në energji.Energjia është parakusht i një zhvillimi ekonomik për të cilin edhe qeveria jonë ka hartuar programin dhe projekte të avancimet në këtë drejtim.Me këtë rast falënderoj të gjithë ata që ndihmuan në këtë projekt dhe stabilizimin me energji në Kosovë.Ne duhet patjetër të sigurojmë kapacitete të reja të energjisë pa harruar edhe konsolidimin e kapaciteteve ekzistuese“ deklaroi ministri Stavileci
Kurse ambasadorja e Gjermanisë znj.Angelika Viets vendi i së cilës ka ndihmuar këtë projekt theksoi se kjo mbështetje është vazhdimisi e miliona eurove që janë dhënë deri më tani për Kosovën .
“Qeveria Gjermane në bashkëpunim më Qeverinë e Kosovës ka realizuar shumë projekte. Që nga paslufta qeveria gjermane përmes Kfë-së, bankë kjo që ka investuar rreth 155 milion euro më qëllim të përmirësimit dhe mbështetjes së zhvillimit ekonomik të Kosovës“ ka thënë Viets
Në fund edhe Christoph Tiskens, Drejtor për EJL dhe Turqi, Banka gjermane për zhvillim- (BGZH) foli për punën dhe investimin që ka ndihmuar banka gjermane.
“Banka për Zhvillim Ekonomik Kfë ishte e para që përkrahu dhe mbështeti investimet ne fushën e energjisë në Kosovë. Ky investim do të ndihmoj zhvillim ekonomik të Kosovës, dhe kështu do të ndihmohen kushtet e jetesës për popullin e Kosovës. “ ka thënë Tiskens
Ky projekt është pjesë e Projektit “Përmirësimi i rrjetit të Transmisionit ,Programi IV dhe V I i Sektorit” i cili parasheh implementimin e 10 projekteve që mundësohen përmes kredisë komerciale afatgjate që KOSTT e ka siguruar nga Banka Gjermane për Zhvillim (Kfë).
Kushtet kredituese janë konsideruar të buta sepse vlera prej 23.5 milion eurove do të shlyhet në dy faza. 15,5 milion euro do të kthehen brenda 15 viteve, dhe 8 milion të tjera kanë një periudhë kthyese prej 40 viteve.
Ndërsa 7.35 milion të tjera do të jepen si financimin shtesë në formë grandi nga Komisioni Evropian përmes programit IPA.
Të premten në fshatin Sojevë të Ferizajt në një ceremoni solemne të organizuar nga Operatori i Sistemit, Transmisionit dhe Tregut të energjisë elektrike të Kosovës-KOSTT u vu gurëthemeli i i fillimit të implementimit të projektit për zhvillimin e e infrastrukturës së transmetimit të energjisë elektrike në në Nënstacionin 400/110 kv në Ferizaj.
