Drejtori i Drejtorisë Komunale të Arsimit në Ferizaj, z.Agim Berisha këtë të premte ka bërë publike sukseset për nxënësit e shkollave fillore, por edhe për ato të mesme të qytetit tonë.
Sipas tij kemi rezultate, sado modeste, por që kanë shënuar ngritje për nivelin e parë dhe të dytë të ciklit të ulët fillor dhe atij të mesëm të ulët.
” Nga klasa e parë deri në të pestë suksesi i nxënësve është në ciklit të ulët fillor dhe atij të mesëm të ulët. Nga klasa e parë deri në të pestë suksesi i nxënësve është në ngritje për 0.02 %, ndërsa kemi zvogëlimin e orëve të pa mbajtura për 50%", është shprehur Berisha.
Numri një i Drejtorisë së Arsimit në Ferizaj ka bërë publike edhe të dhënat për të gjitha shkollat e mesme të Komunës së Ferizajt.
"Mungesat e nxënësve të shkollave të mesme në këtë gjysmëvjetor janë më pak për 1373 mungesa , gjithashtu edhe orët e pa mbajtura janë në rënie për 227, kurse suksesi i këtyre shkollave të mesme në tërësi është në ngritje për 0.02 % krahasuar gjithnjë me shënime statistikore të gjysmëvjetorit paraprak. Çka do të thotë se këto janë shenja të mira se kemi nje ngritje graduale në arsimin ferizajas dhe shpresojmë se këto rezulatete do të jenë edhe më të theksuara në përfundimin e gjysmëvjetorit të dytë, respektivisht në përfundimin e vitit shkollor", ka potencuar drejtori Berisha.
Drejtues të Drejtorisë Komunale të Arsimit në Ferizaj, kanë bërë publike sukseset e gjysmëvjtorit të parë të këtij viti për shkollat fillore dhe të mesme të qytetit të Ferizajt.
