Në një projekt të Caritasit të Kosovës i cili u implementua nga Komuna e Ferizajt, u bë e mundur që të punësohen dhjetë punëtorë shëndetësor. Me këtë rast kryetari i Komunës së Ferizajt, Bajrush Xhemaili, duke besuar që ky plan do të jetë i realizuar mirë dhe do të ketë shërbime shumë më cilësore për të gjithë qytetarët ka thënë se nevojat e qytetarëve gjithnjë janë më të mëdha si në zonat rurale po ashtu urbane është dashur të bëhet diç në këtë drejtim. Ai ka thënë se edhe pse nuk lejohet shtimi i numrit të punëtorëve kjo është bërë falë ndihmës së Caritasit të Kosovës, që ka ndihmuar në implementimin e këtij projekti. “Pamundësitë për shtim të numrit të punëtorëve kanë qenë kështu dhe ne në mënyrë të rregullt nuk kemi mundur të pranojmë punëtorë shëndetësor për shkak se janë limitetet nga qendra. Ne kemi gjetur këtë formë tjetër që përmes Caritas Kosovës që ka bërë këtë projekt që ne tani po e implementojmë”, ka thënë Xhemaili.
Ndërsa drejtori i Caritasit të Kosovës, Don Viktor Sopi, ka bërë të ditur se projekte të tilla Caritasi implementon anekënd Kosovës. “Me këtë rast me pranimin e gjashtë mjekëve dhe katër infermierëve në këtë projekt Caritasi e përcjell punën e mjekëve se si e realizohet ky projekt i cili është nënshkruar me kryetarin Xhemaili . Në shikojmë se a implementohen pikat e parapara do të thotë nëse projekti realizohet mirë. Pranimi dhjetë punëtorëve shëndetësor është në kohën më të duhur, për shkak se me hapjen e qendrës numër katër të Mjekësisë Familjare, dhe me funksionimin e punkteve shëndetësore janë shtuar dukshëm edhe kërkesat e qytetarëve. Drejtori i Drejtorisë Komunale të Shëndetësisë dhe Mirëqenies Sociale në Ferizaj, Bashkim Hyseni , ka thënë se u duhen edhe më shumë punëtorë mjekësorë “Nuk është mjaft, neve na duhen edhe shumë punëtorë shëndetësor siç e dini ne me padurim po presim që të përfundojë procesi i regjistrimit, sepse jemi të bindur se jemi të bllokuar me numër të përgjithshëm të banorëve si komunë, në bazë të secilës bëhet edhe kalkulimi i shërbyesve profesional dhe civil dhe unë konsideroj se ne si Ferizaj, si punëtorë shëndetësor që me këtë kapacitet që e kemi po përkujdesemi për diku afër 40 mijë banorë e me shumë se sa që kemi numër të punëtoreve” ka thënë Hyseni, duke shtuar se edhe më tutje do të vazhdojnë të insistojnë vazhdimisht në nivelin e qeverisë që të hiqen këto limite për pranim të punëtorëve qoftë për ata shëndetësor por edhe për ata arsimor dhe të kalkulohet sipas nevojës.”Vëllimit të punës sipas numrit të banorëve e jo sipas limiteve që janë përcaktuar. Ka disa vite dhe nuk ndryshojnë. Ne po ndryshojmë sepse po ndryshojnë nevojat e pacientëve po ndryshojnë kërkesat e qytetarëve dhe ne po përpiqemi që të jemi në hap me këto kërkesa dhe këto nevoja dhe me numrin e njëjtë të punëtorëve shëndetësor”, ka thënë Hyseni.
Me këtë rast kryetari i Komunës së Ferizajt, Bajrush Xhemaili, duke besuar që ky plan do të jetë i realizuar mirë dhe do të ketë shërbime shumë më cilësore për të gjithë qytetarët ka thënë se nevojat e qytetarëve gjithnjë janë më të mëdha si në zonat rurale po ashtu urbane është dashur të bëhet diç në këtë drejtim.
