Për të shikuar nga afër këto asgjësime morri pjesë edhe ministri i FSK-së Agim Çeku i cili ka vlerësuar tejet lartë këto asgjësime , që po bëjnë ekipet e deminimit.’’ Me kërkesë të kryetarit të komunës së Ferizajt, ekipet tona kanë dal dhe kanë bërë pastrimin e parkut të lirisë, një vend shumë i preferuar për qytetarët e Ferizajt, që ata të ndihen më të lirë kur shëtitin, vrapojnë dhe kur kalojnë kohën e lirë në këtë vend që paraqesin mushkëritë e qytetit të Ferizajt. E patë që FSK-ja ka gjetur mjete të pashpërthyera këtu ,deri më tash 240 në përgjithësi, sot i kanë asgjësuar 36 sosh te gjetura në pjesën e re te parkut te Lirisë, çka do të thotë se ky vend ka paraqitur rrezik edhe për shumë qytetarë dhe shumë vizitorë të këtij parku të bukur të këtij qyteti’’, ka thënë ministri Çeku, ndërsa ka shtuar se pjesëtarët e FSK-së , po bëjnë punë të rrezikshme vetëm e vetëm që të krijojnë kushte sa më të mira për qytetarët e Ferizajt.’’Me punën e tyre FSK-ja, është duke e rrezikuar edhe jetën e tyre. Unë përgëzojë të gjithë pjesëtarët e deminimit, për një punë të palodhshme dhe për çdo thirrje që ju bëhet FSK-së, nga kushdo nga secili autoritet civil, FSK-ja është në gjendje të reagojë dhe të kryeje detyrat e veta në shërbim të sigurisë së qytetarëve të Kosovës’’, ka thënë Çeku.
Nga ana tjetër kryetari i komunës së Ferizajt, Bajrush Xhemaili, është shprehur se synim kryesor i Qeverisë lokale të Ferizajt, është që parkun e lirisë ta rregullojë të tërin . ‘’Jemi në fazën e dytë të punimeve që po zhvillohen në ‘’Parkun e lirisë", po mundohemi që sa më shumë të sigurojmë qytetarët e komunës sonë. Deminimi është bërë dy here me parë dhe për të tretën herë po bëhet në detaje ky deminimi në mënyrë që qytetarët që vijnë në këtë park për tu argëtuar, për të shijuar bukuritë e këtij parku të jenë sa më të sigurt’’ , ka thënë Xhemaili duke falënderuar pjesëtarët e Forcës së Sigurisë së Kosovës për punën e palodhshme që po bëjnë vetëm e vetëm që të sigurojë qytetarët e komunës së Ferizajt .
Ministri i Forcës së Sigurisë së Kosovës , Agim Çeku është shprehur se si institucion janë të pajisur mjaft mirë edhe me mjetet përkatëse për deminim dhe kërkim shpëtim. Sipas tij FSK ka mjetet më të avancuar jo vetëm në Kosovës por edhe rajon. Është bërë e ditur se ekipet e deminimit të FSK-së do të bëjnë të gjithë pastrimin e ‘Parkut të lirisë’ nga të gjitha mjetet e pashpërthyera.
Pjestarë të FSK-së, përkatësisht ekipet e deminimit sot kanë asgjësuar rreth 36 granata te kalibrave te ndryshem në ‘’Parkun e Lirisë’’ në Ferizaj, mjete këto të mbetura që nga lufta e dytë botërore dhe nga lufta e fundit në Kosovës.
