Pronarë të bizneseve të ndryshme që merren kryesisht me përpunim të drurit, këtë të mërkurë u mblodhën ne sallën e Kuvendit të Komunës për të formuar shoqatën e tyre.
Hapjen e këtij aktiviteti e bëri drejtori i Zhvillimit Ekonomik dhe Turizmit, Enver Haliti. Ai theksoi se themelimi i kësaj shoqatë është shumë i rëndësishëm për të gjithë pronarët e bizneseve që merren me këtë veprimtari.
Edhe kryetari i Komunës së Ferizajt, ka përgëzuar përpunuesit e drurit duke theksuar faktin se një shoqatë e tillë, duhet të ekziston për shkak të asaj se numri i këtyre bizneseve në Ferizajt, është shumë i madh.
“Ju përgëzojë të gjithë juve për gjithë veprimtarin që keni bërë e që lidhet me përpunim të drurit, i cili në Komunën e Ferizajt ka një traditë të gjatë të zhvillimit dhe mendoj se kjo ka ndikuar që të jetë njëri nga bizneset që ka shtrije shumë të madhe sidomos në viset rurale, duke përfshirë këtu fshatin Greme që është një nga fshatrat më të mëdha për nga përfshirja gjeografike, për nga numri i banorëve, por ka edhe numrin më të madh të bizneseve të regjistruara si biznese të cilat kanë hapur vende të reja të punës, dhe prandaj në duke pasur parasysh këto të dhëna ne kemi shprehur vullnetin që të investojmë në këtë fshat me ndërtimin e një mini fabrike për të gjithë përpunuesit e drurit”, ka thënë kryetari Svarqa.
Të pranishmit i ka përshëndetur edhe menaxheri i projekteve nga shoqata BSC Enver Krasniqi.
U bë e ditur se fillimi i ndërtimit të mini fabrikës për përpunuesit e drurit, fillon në javën e ardhshme.
Këtë të mërkurë në Ferizajt, është bërë formimi i shoqatës së përpunuesve të drurit.
