Ejup Lami nga fshati Greme , ka të mbjellura rreth 50 ari tokë më kumbulla të llojeve të ndryshme. Thotë se është hera e trëtë që këtë vit e kultivon këtë kulturë bujqësore me lloje nga më të ndryshmet dhe se rendimentet janë mjaft të larta. Ky është donacion i komunës së Ferizajt dhe se ky fermer shprehu falënderim për këtë institucion që po i përkrah në këtë drejtim.”Kam kumbulla të mbjellura ku janë gjithsej 6 lloje të ndryshme të kumbullave. Më kanë ndihmuar edhe më sistemin e ujitjes pikë më pikë”, ka thënë Lami, ndërsa brenge e tij mbetet transportimi i këtyre kumbullave edhe jasht vendit.”Pëfitimet nuk mund të kem , sepse kam shitur vetëm nëpër markete të ndryshme, do i kanë marr ka 100 -200 kilogram, shumë pak kam. Këtu i kam 300 kumbulla këto fillojnë të pjeken prej 15 korrikut deri më 1 tetor përfundojnë ato”, ka thënë Lami, ndërsa mendon që këtë veprimtari edhe ta zgjërojë.
Nga ana tjetër drejtori i Drejtorisë së Bujqësisë, Pylltarisë dhe Zhvillimir Rural në Ferizaj, Safit Halili, këtë të martë kishe dal që nga afër të vizitojë edhe fermerët e Komunës sonë se sa kanë qenë në gjendje që këta fermer të përballojnë edhe temperaturat e larta që kanë mbretëruar këtë verë. “Ne jemi shumë të kënaqur me punën të cilën e ka ba dhe rezultatet shihen. Kanë qenë fermer aq të zellshëm sa që nuk e kanë marr vesh edhe temperaturat e larta që kanë mbretëruar”, ka thënë Halili, ndërkaq ka shtuar se është brengosëse fakti që këta fermer nuk kanë se ku të plasojnë produktete e tyre. “Na brengos fakti se këto produkte nuk kanë se ku plasojmë dhe jemi ka mendojmë duke planifikuar edhe pika grumbulluese për këto produkte”, ka thënë drejtori Halili.
Ai ndër të tjera ka thënë se Komuna e Ferizajt, do të vazhdojë që edhe në të ardhmen të ndihmojë fermerët në mënyra dhe forma të ndryshme. “ Ne këtyre fermerëve u kemi siguruar edhe sistemin e ujitjes pikë më pikë dhe ky ka qenë shumë i mirëseardhur nga këta fermer”, tha Halili. U bë e ditur se Komuna e Ferizajt, këtë vit fermerëve të Ferizajt, u ka dhuruar edhe nga një serë familjare.
Fermerët e Komunës së Ferizajt, çdo ditë e më shumë po përfitojnë subvencione
