Me këtë rast zyrtarët e kuvendit , janë pritur nga kryetari i Bashkisë së Vlorës Dritan Leli si dhe kryetarja e Këshillit bashkiak Vojsava Shkurtaj si dhe kryetaret e grupeve parlamentare.
Anëtarëve të pranishëm të Kuvendit të Komunës së Ferizajt, mirë se ardhje vëllazërore ju dëshirori kryebashkiaku Dritan Leli, i cili theksoi se kjo vizitë është ndër surprizat me të bukura që po ndodh.
“Pasi që për vizitë kemi vëllezërit e një gjaku nga Kosova dhe vizitat mes vëllezërve, gjithmonë janë të mirë se ardhura”, ka thënë Leli.
Në këtë takim ai shprehu dëshirën e tij, që ky takim të jetë një fillim i mbarë i bashkëpunimit mes qyteteve në të gjitha lëmit ku mund të bashkëpunojnë, me premtim se së shpejti edhe ata do të vizitojnë qytetin e Ferizajt.
Nga ana tjetër kryesuesi i Kuvendit të Komunës së Ferizajt, Faruk Guri, ka falënderuar përzemërsisht kryetarin e bashkisë së Vlorës Dritan Leli dhe kryetaren e këshillit të bashkisë, Vjosana Shkurtaj për mikpritjen vëllazërore që ua bëri anëtarëve të Kuvendit të Ferizajt. Ai njëherësh u përcolli përshëndetjet e kryetarit të Komunës së Ferizajt, Muharrem Svarqa i cili nuk mundi të jetë pjesë e këtij takimi.
Po ashtu kryesuesi i Kuvendit të Ferizajt, Faruk Guri të pranishmit i ka njoftuar me përbërjen e kuvendarëve si dhe për punën që po bënë legjislativi për të mirën e qytetarëve ne realizimin e projekteve të ndryshme.
“Unë falënderojë nikoqirët për mikpritjen e bërë dhe shumë të ngrohtë vëllazërore dhe i ftojë që ta vizitojnë Ferizajt në një të ardhme të afërt, në mënyrë që ky bashkëpunim i nisur te thellohet në të gjitha lëmit e jetës”, është shprehur Guri.
Të pranishmit me një fjalë rasti i ka përshëndetur edhe kryetarja e këshillit të bashkisë, Vjosava Shkurtaj i cila ka thënë se këto takime duhet të jenë të rregullta.
Kjo vizitë ishte e para e këtij lloji në Shqipëri.
Kryesuesi i Kuvendit të Komunës së Ferizajt Faruk Guri, së bashku me anëtarët e këtij Kuvendi ka pasur një vizitë tri ditore në qytetin e Vlorë.
