Gjatë këtij nëntëmujori Drejtoria komunale e Ekonomisë, Financave dhe Buxhetit në Ferizaj, ka përgatitur një raport të detajuar, ku janë përfshirë të hyrat vetanake të realizuara si dhe shpenzimet buxhetore për të gjitha kategoritë ekonomike.
Sipas Drejtorit të Ekonomisë, Financave dhe Buxhetit në Ferizaj, Mustafë Graincës gjatë kësaj periudhe të hyrat edhe këtë vit kanë shënuar ngritje duke tejkaluar planin për 10.70%, kurse shifra tejkalon të hyrat e vitit të kaluar për 4.63%.”Organizata jonë buxhetore inkasoi gjithsej të hyra vetanake 2 525 571.6 euro përfshirë këtu edhe të hyrat nga participimet e qytetarëve si dhe nga grantet e unopsit( burim i të hyrës -67) për realizimin e procesit të regjistrimit të popullsisë. Hequr grantet e Unopsit dhe participimet e qytetarëve, kemi një realizim prej 2 339 6981.17 euro, e cila vlerë po bëhet po të vëhet në krahasim me periudhën e njëjtë të vitit 2010, rezulton me ngritje të vlerës së inkasuar për 4.63% apo në vlerë financiare prej 103 556.12 euro, ndërsa krahasuar me planin e të hyrave për periudhën nëntëmujore kemi tejkalim të tij për 10.70%, apo 226 062.17 euro, ndërsa trashuar me planin vjetor, kemi një realizim të tij për 83.02%”, ka thënë drejtori Grainca.
Edhe këtë herë sipas Graincës sektori i tatimit në pronë është e hyrë primare. Nga ky sektor në 9 mujorin e këtij viti janë inkasuar mbi 792 107.83 euro, që në krahasim me vitin e shkuar të hyrat ishin 2.17% më tepër dhe tejkalim plani për këtë periudhë për 17.35 për qind.”Marr për bazë vlerën e inkasuar për këtë peridhë , po ashtu statistikat apo rezultate krahasimore, menaxhmenti i organizatës sonë buxhetore me të drejtë konstaton se inkasomi i të hyrave vetanake për këtë periudhë ka shënuat trend të lartë pozitiv , duke mundësuar kështu tejkalimin e parashikimeve tona, në këtë drejtim”, ka thënë Grainca, ndërsa ka shtuar se kjo performancë e mirë e organizatës sonë buxhetore në fushën e inkasimit të të hyrave vetanake, është duke vazhduar edhe përkundër ngecjeve të vogla të shfaqura në disa nga llojet e të hyrave dhe në këtë mes indikatorët e procesit të të hyrave vetanake argumentojnë besimin tonë se viti fiskal 2011 në fushën e të hyrave vetanake do të jetë shumë i suksesshëm duke mundësuar kështu tejkalimin e planit vjetor 2011 si dhe vitin fiskal 2010.
Kurse sa i takon shpenzimeve për këtë periudhë të vitit, Mustafë Grainca thotë se deri më 30 shtator 2011 kanë shpenzuar buxhetin në shkallë 64.31% në të gjitha kategoritë buxhetore.”Gjatë kësaj periudhe raportuese shpenzuam grisej 12 149 919.07 euro, mjete buxhetore nga fondi burimor 10 dhe 21 , në të gjitha kategoritë ekonomike apo shprehur në përqindje 64.31 % e tërësisë së buxhetit, ndërsa nga të gjitha burimet e financimit kemi vlerën shpenzuese prej 12 938 079.83 euro”, ka potencuar Grainca, duke thënë se periudha janar-shtator si ajo e gjashtëmujorit të parë (janar-qershor) e vitit fiskal 2011, u karakterizua me një vlerë shumë më të lartë të shpenzimeve kapitale se ajo e vitit 2010 dhe atë për 72.71 për qind. ”Granti Qeveritar u shpenzua në vlerë 10 907 355.30% apo 67.86%, ndërsa të hyrat vetanake në vlerë 1 242 563.77 euro apo 44.09%. Duke patur parasysh faktin se ecuria e shpenzimeve kapitale si njëra nga kategoritë buxhetore më të rëndësishme, ka shënuar një shkallë kaq të lartë të vlerës së shpenzuese poashtu duke u bazuar në faktin se pothuajse të gjitha projektet kapitale janë në fazën e përmbylljes së tyre, atëherë me të drejtë menaxhimi i organizatës sonë nxjerr konkluzione se përmbyllja e vitit fiskal 2011 do të shënon efikasitet të lartë në fushën e shpenzimeve buxhetore, duke mos regjistruar fare apo një shumë simbolike të mbetjes buxhetore(suficit) në bilancin përfundimtar” tha numri një i Drejtorisë së Ekonomisë, Financave dhe Buxhetit në Ferizaj, Mustafë Grainca.
U bë e ditur se mjetet e bartura nga viti 2010, gjatë kësaj periudhe shpenzuan 60.70% dhe pritet që deri në përmbyllje të vitit të shpenzohet edhe pjesa e mbetur e tyre.
Ndërkohë ,zyrtarët komunalë të Ferizajt thonë se ky vit fiskal do të karakterizohet me shpenzime racionale, me efikasitet të lart të tyre si dhe pa mbetje buxhetore.
Sektori i tatimit në pronë është e hyrë kryesore këtë herë.
