I pari i kësaj drejtori ka theksuar të arriturat, por edhe sfidat me të cila janë përballur gjatë këtij mandatit, duke theksuar se borgjet në këtë drejtori kanë qenë shumë të mëdha. Ai ka folur edhe për trajnimet e shumta që kanë mbajtur stafi arsimor në të gjitha lëmit, por ka përmendur që shumë shpejt do të organizohen edhe trajnime për të gjitha ata që dëshirojnë të marrin pozita udhëheqëse për të ushtruar funksionin si drejtor dhe zëvendësdrejtor.
“Tani kemi bërë organizmin e një trajnimi për të gjithë ata të interesuar që dëshirojnë të marrin pozita udhëheqëse. Ne nuk kemi shkuar si qeveria e kaluar që ka organizuar trajnim vetëm për persona të cilët kanë në këtë proces, por tash e kanë të drejtën që secili i interesuar të ndjekin këtë trajnim. Tash për tash në shkolla kemi dërguar ushtrues detyre”, është shprehur Halili.
Sfidë tjetër ne vete sipas Halilit, ka qenë edhe heqja e klasës së 13, ku si teprice teknologjike kanë qenë afër 55 mësimdhënës.
“Me angazhimin e kryetarit dhe drejtorisë së arsimit, këta mësimdhënës i kemi sistemuar ata të cilët kanë pasur kualifikime dhe ka kaluar kjo sfidë”, tha Halili.
Drejtori Halili, ka folur edhe për shumë trajnime që ka mbajtur stafi arsimor për nxënësit me nevoja të veçanta, por edhe për shumë trajnime të tjera.
Po ashtu u bë e ditur edhe për përfitimet që ka pranuar kjo drejtori nga organizata ndërkombëtare dhe vendore për shkollat e qytetit të Ferizajt, por edhe për kopshtet për fëmijë.
Drejtori i Drejtorisë së arsimit në Ferizaj, Muhamet Halili, ka paraqitur raportin nëntëmujori të këtij vitit për të gjitha punët të cilat janë kryer në këtë departament shumë të rëndësishëm.
