Hapjen e mbledhjes e bëri kryesuesi i Kuvendi Komunal të Ferizajt, Faruk Guri. Në këtë mbledhje u diskutua lidhur me caktimin e orarit të mbajtjes së seancave të punës së Kuvendit të komunës për këtë vit.
Por ajo që ngjalli më së shumti diskutim ishte vendimi për vënien në diskutim publik të rregullores, 01 nr. 67 për bashkëpunimin e komunës më fshatrat, vendbanimet dhe zonat urbane.
Po ashtu morë vendim për caktimin e dy anëtarëve të Kuvendit të Komunës, për komisionin për ndarjen e bursave për vitin 2015/2016, u diskutua edhe për propozim-vendimin për plotësimin e Këshillit Komunal për Siguri në Bashkësi me një anëtarët të ri nga komuniteti protestant, si dhe u diskutua edhe propozim-vendimi për bartjen e mjeteve nga viti 2015 në vitin 2016.
Të martën në Ferizajt, është mbajtur mbledhja e Komitetit për Politikë dhe Financa, ku janë diskutuar shumë pika të rendit të ditës.
