Zgjatja për një ditë e regjistrimit është bërë për shkak të kërkesave të mëdha që kanë nxënësit për shkollim të mesëm. Drejtori i Drejtorisë komunale të Arsimit , Agim Berisha me këtë rast ka theksuar faktin se nuk dëshirojnë t’i hynë në hak askujt, për shkak të vonesave të cilat janë bërë në publikimin e rezultateve të testit të arritshmërisë. “Arsyeja është shumë e thjeshtë, sepse në ditën e parë të regjistrimit të nxënësve vërtet kemi pasur një ngatrrim, po e quaj ngatrim , sepse në të njetën ditë është dashur të vinë rezultata nga Ministria e Arsimit, në drejtorinë tonë , dhe nga ne t’ju shpërndahen shkollave dhe drejtorëve, patasj kujdestarëve dhe ata t’i nxerrin pikët nëpër dëftesat e nxënësve, kështu që kjo procedurë ka qenë paksa e koklavitur dhe pikërisht e kemi bë që asnjë nxënës të mos pësoj në këtë drejtim”, ka sqaruar Berisha, duke theksuar faktin se kjo do të jetë e mirëpritur si nga nxënësit po ashtu edhe nga prindërit.
Ndërsa, sa i përket interesimit të nxënësve për regjistrim në shkollim të mesëm, edhe kësaj rradhe prin gjimnazi i shkencave natyrore, mjekësia dhe disa drejtime ne shkollën ekonomike.”Por une besoj se do të vinë interesimet edhe për shkollat e tjera, sepse edhe këtë vit është numri i limituar dhe nuk mund të kalohet numri 39 për në paralele, prandaj ky standar i ri i regjistrimit të nxënësve do t’u jep mundësi edhe nxënësve të shkëlqyeshëm të kthehn atje ku vërtet e kanë prespektivën , nuk është për tu përbuzur edhe drejtimet e bujqësisë drejtimet teknike, etj”, ka thënë i pari i Arsimit në Ferizajt , Agim Berisha.
Drejtoria Komunale e Arsimit në Ferizaj , ka zgjatur afatin e regjistrimit të semimatuantëve në shkollat e mesme të qytetit, edhe për një ditë.
