Drejtori i Drejtorisë për Planifikim dhe Zhvillim, Ardian Ferizi, thotë se këto projekte tashmë kanë filluar të realizohen , ku faza e parë e rregullimit të rrugës "Epopeja e Jezercit", ka filluar të rregullohet nga vendi ku ndahet kjo rrugë me rrugën "Naim Beka" për të vazhduar deri tek rruga "Arsim Bega". “Në këtë projekt janë, ujësjellësi, kanalizimi fekal dhe ai atmosferik si dhe asfaltimi " ka thënë Ferizi.
Të njejta punime janë duku u zhvilluar edhe në rrugën "Enver Topalli", por që këtu kanalizimi atmosferik dhe trotuari do të shtrihen deri në fshatin Doganaj, ndërsa rrjeti i ri i ujësjellësit dhe kanalizimit do të kryhen deri te selia e ndërmarrjes për mbeturina "Pastërtia" .
Të dy këto rrugë konsiderohen si rrrugë të një rëndësie të veçant ngase lidhin fshatrat dhe vendbanime te Ferizajt me vendbanimet e komunave fqinje të Kaçanikut dhe Therendes.
Mësohet se faza e parë e projektit për rrugën "Epopeja e Jezercit", do të financohen nga komuna e Ferizajt, ndërsa faza e dytë sipas zyrtarëve do të financohen nga Ministria e Infrastrukturës.
Drejtues të Planifikimit në Ferizaj, shpjegojnë se ky projekt është dy vjeçar."Mendohet që ky projekt të vazhdohet deri në fshatin Budakovë dhe në këtë mënyrë Komuna e Ferizajt të lidhet me atë të Therandës. Ne projektin e kemi përfunduar, por tash presim përkrahje edhe nga ana e ministrisë përkatëse. Planifikojmë që duke filluar nga viti i ardhshëm këto dy rrugë të përfundojnë në tërsi”, ka thënë Ferizi
Ndërsa, banorët e këtyre rrugëve janë tejet të kënaqur me punët që po zhvillohet. Ata thonë se vështërsitë kanë qenë gjithnjë evidente për shkak se rrugët kanë qenë katastrofale. "Tani sigurisht do ta kemi më lehtë, si për ne vozitësit e po ashtu edhe për këmbësorët, pasiqë as trotuaret nuk ishin në gjendje të mirë", ka thënë Shpend Sadiku, banor i rrugës ‘’Epopeja e Jezercit’’, në Ferizaj.
Për të dy këto rrugë nga buxheti i Komunës janë ndarë nga 340,000.00 euro, për rrugën "Epopeja e Jezercit" dhe 216,000.00 për rrugen "Enver Topalli". Këtë vit në total do të asfaltohen gjithësejt 47 rruge të qytetit dhe fshatrave.
Në mesin e shumë projekteve kapitale që kanë filluar të realizohen gjatë këtij viti në Ferizaj, hynë edhe projekti i rregullimit të rrugëve "Epopeja e Jezercit " dhe "Enver Topalli", të cilat kanë një rëndësi shumë të madhe për banorët e Ferizajt.
