Mustafë Grainca, drejtori i drejtorisë së Ekonomisë dhe Financave, ka pritur në një takim drejtues të Logosit, organizatë kjo e cila ka financuar projektin për pasurimin e të dhënave të tatimit në pronë, e cila ka të bëjë me regjistrimin e pronave të pa regjistruara si objekte të tatueshme në kuadër të tatimit në pronë. Drejtori Grainca në këtë takim ka falënderuar drejtuesit e Logosit për projektin në fjalë duku cituar se komuna jonë respektivisht njësia e tatimit në pronë kishte nevojë për ndërhyrje në pasurinë e sistemit të saj, fillimisht duku evidentuar dhe më pas duku regjistruar objekte të reja të cilat nuk ishin pjesë e skemës tatimore.
Drejtues të Logosit, gjithashtu premtuan dhe ishin të kënaqur me rrjedhën e deritanishme të implementimit të këtij projekti, por në të njëjtën kohë u kërkua që shtohet intensiteti i angazhimeve në teren nga ana e stafit komunal në mënyrë që ky proces të përfundojë në kohën e parashikuar. Po ashtu në këtë takim u nënshkruar memorandum mirëkuptimit në mes komunës së Ferizaj dhe organizatës Logos për projektin në fjale.
Në këtë takim janë diskutuar çështje të rëndësishme sa i përket komunës respektivisht sektorit të tatimit në pronë.
