Në një konferencë për gazetarë kreu i Drejtorisë së Bujqësisë, Pylltarisë dhe Zhvillimit Rural në Ferizaj, Safit Halili i është kundërpërgjigjur partisë më të madhe opozitare në komunën tonë Lidhjës Demokartike të Kosovës , ku ata kanë bërë një varg akuzash për këtë drejtori. Drejtori Safit Halili me këtë rast ka theksuar faktin se ato akuza nuk qëndrojnë për këtë drejtori. "Deklarimet e anëtarit të LDK-së , janë plotësisht të pasakta .Ai thotë se drejtoria e bujqësisë, është një drejtori e cila është tipike e PDK-së ,sikurse e dim ne vet, po edhe të gjithe ju, unë si mekanizëm i kësaj drejtorie jam nga subjekti i AKR-së, gjë e cila nuk qëndronë ", ka thënë Drejtori Halili. Ai më tej e ka theksuar faktin se kjo drejtori vazhdimisht ka bërë subvencionimin e bujqëve e jo siç ka thënë LDK që nuk ka subvencionime."Unë dua të njoftoj LDK-në , se subvencionet në Drejtorinë e Bujqësisë , kanë filluar edhe para se me ardh unë, por edhe nga ardhja ime këtu nga mandati im, dita- ditës janë në rritje e sipër ", ka thënë Halili.
Drejtori i Bujqësisë dhe Zhvillimit Rural në Ferizajt, Safit Halili në këtë konferenc për gazetarë ka shtuar se falë subvencionimeve që janë bërë gjatë këtij viti ka pasur edhe produktivitete më të madh të grurit në bazë të asaj që janë ndarë subvencionime për herbicite. "Kemi bërë mbrojtjën e bimëve të grurit, kemi një rendiment i cili ka kohë që nuk ka qenë, një rendiment i cili është i kënaqshëm këtë vit. Prandaj nuk qëndron ajo që nuk kemi dhënë subvencione. Gjithashtu vlen të theksohet se kemi subvencionuar edhe pemishtet, prodhuesit e qumështit , kemi dhëne sisteme të ujitjës",ka spikatur drejtori Halili.
Lidhja Demokartike e Kosovës , ka akuzuar Drejtorinë e Bujqësisë , se gjatë shpërndarjës së serrave familjare që është bërë me qëllim të stimulimit të bujqëve 60 për qind e tyre kanë shkuar në fshatin Komogllavë, fshat ky i kreut të Komunës së Ferizajt, Bajrush Xhemailit, por edhe i drejtorit të Bujqësisë , Pylltarisë dhe Zhvillimit Rural në Ferizaj, Safit Halilit. "Kjo gjë që është thënë absurde dhe nuk qëndron për shkak se vetëm 30 për qind fshati Komogllave ka përfituar nga kjo", tha Halili.
Po ashtu ,autoritete të LDK-së në Ferizaj gjatë reagimit të tyre lidhur me fushën e bujqësisë thanë se sipas informatave që posedojnë Drejtoria e Bujqësisë në Ferizaj ka mjaft mjete për të stimuluar apo subvencionuar fushën e bujqësisë ,mirëpo sipas tyre ato mjete nuk po shfrytëzohen në mënyrë të hapur.Edhe kjo pikë u hodh poshtë nga autoritete të Drejtorisë së Bujqësisë ,që sipas tyre cdo cent i kësaj drejtorie shfytëzohet në mënyrë transparente.
Drejtori i Drejtorisë së Bujqësisë, Pylltarisë dhe Zhvillimit Rural Safit Halili , iu kundërpërgjigjet partisë opozitare LDK-së
