Në këtë debat merrnin pjesë, drejtues të Drejtorisë komunale të Arsimit në Ferizaj, të komunës së Shtimës , të Kaçanikut, përfaqësues të këshillit të prindërve , si dhe inspektorë të arsimit nga Ministria e Arsimit, Shkencës dhe Teknologjisë së Kosovës. Ky debat është organizuar falë një bashkëpunimi të mirë që ka Drejtoria komunale e Arsimit në Ferizaj, me përfaqësues të OSBE-së. Me këtë rast Drejtori i Drejtorisë së Arsimit në Ferizajt, Agim Berisha është shprehur se diskutime të tilla janë më se të rëndësishme.”Është një çështje, që duhet të mendojë, si shoqëria në terësi, për ngritjën, edukimin dhe arsimimin e brezit të ri. Në debat u diskutuan tri rrafshe të përgjegjësisë se mësimdhënësve në krye me drejtorin që udhëheqë atë institucion , Drejtoria e Arsimit , si dhe Ministria e Arsimit. Këto tri hallka të zingjirit duhet të mobilizohen, t’i koordinojnë punët në mes veti, në mënyrë që të mos lenë ndonjë boshllëk ose mangësi, që të refelektojë defektet e brezit të ri”, ka thënë drejtori Berisha, duke shtuar se Ministria e Arsimit, do të merr parasysh të gjitha vërejtjet që janë paraqitur në këtë debat.
Nga ana tjetër, përfaqësuesi i Ministrisë së Arsimit të Kosovës, Mustafë Kadriu ka thënë se është tejet i kënaqur me një organzim të tillë të debatit, duke thënë se të gjitha vërejtejt e paraqitura do të merren për bazë në ministri. “Ne i marrim me shumë përgjegjësi rekomandimet që dalin nga ky takim dhe mundësitë reale do të ndikojnë ne testin e maturës. Sigurisht në qoftë se dalin keshilla të tilla sigurisht se do të bëhen ndryshime si në formatin e testit, poashtu edhe në administrimin e tij, dhe aktivitete që zhvillohen para testit të maturës”, ka thënë Kadriu.
Debate të tilla parashihet të mbahen edhe në të ardhmën. Në komunën e Ferizajt, janë 37 shkolla fillore dhe 7 të mesme.
Organizuar nga misioni i OSBE-së në Kosovë, këtë të hënë është mbajtur një debat, ku është diskutuar lidhur me shkaqet, se pse maturantët nuk kanë treguar rezultate në testin e maturës.
