Edhe këtë të hënë deputeti i Parlamentit të Republikës së Kosovës, Elmi Reçica , ka pritur një numër të konsiderueshëm të qytetarëve të cilët kishin halle nga më të ndryshmet. Deputeti Elmi Reçica thotë se gjatë ditës së sotme ka pritur qytetarë të shumtë nga Ferizaj, por edhe zyrtarë të ndryshëm nga institucionet lokale.”Preokupimi kryesor i gjithë qytetarëve dhe i zyrtarëve që funksionojnë këtu, ka qenë çështja e punësimit, banimi ka qenë njëri ndër shqetësimet e qytetarëve, pak më herët pata një palë edhe nga Hani i Elezit, i cili është i interesuar t’i sigurojë vetës pozicionin e asistentit që i plotëson të gjitha kriteret dhe kushtet, ju e dini që Kaçaniku dhe Hani i Elezit nuk kanë deputete në Parlamentin e Republikës së Kosovës, por nga aspekti regjional dhe nga aspekti shoqëror dhe miqësore, përpiqem që të kujdesem edhe për problemet dhe shqetësimet e tyre”, ka thënë Reçica, duke shtuar se të gjitha kërkesat e qytetarëve kanë të bëjnë me çështjen e punësimit, çështjen e ngritjes në pozitë.”Sot kam pasur edhe një shqetësim të një qytetari i cili kishte të bënë me funksionimin e pompave të benzinës brenda vendbanimeve që janë, ku sipas atij qytetari pompat paraqesin një rrezik potencial për sigurinë e tyre dhe për rrethin e tyre. Ky është një problem që është gatur edhe me herët tash duhet me pa përmes fakteve dhe argumente në nivelin lokal, por edhe qendror se si do të duhej të rregullohet dhe sa kanë të drejt qytetarët me ankesat e tyre dhe pretendimet e tyre”, është shprehur deputeti Reçica.
Deputeti i Parlamentit të Republikës së Kosovës, nga qyteti i Ferizajt, Elmi Reçica me këtë rast ka theksuar faktin se së bashku me Kryetarin e Ferizajt, Bajrush Xhemailin, kanë paraparë edhe shumë takime si me kryeministrin, por edhe ministrat e Qeverisë së Kosovës, për të biseduar me problemet dhe shqetësimet e qytetarëve ferizajas.”Do të bisedojmë për probleme specifike të Ferizajt, qoftë për projekte të nisura të mbetura në gjysme, qoftë premtimet e ndryshme që janë dhënë, por kanë ngecur kështu që kjo ka me qenë pjesë e angazhimit pa pasur nevojë me prezentu në parlament”, ka thënë Reçica.
Ndërkaq, gjatë ditës së martë në zyrën e deputetëve të Parlamentit të Republikës së Kosovës, do të jetë deputeti Danush Ademi, ndërkaq të mërkurën paradite do të jetë deputetja Lumnije Morina.
Deputeti i Parlamentit të Republikës së Kosovës, Reçica bashkëbisedon lirshëm me qytetarët
