Në sheshin e qytetit të Ferizajt sot u organizua një improvizim i djegies së një pikë të karburanteve ,me ç’rast për të shuar zjarrin menjëherë reaguan ekipet zjarrfikëse të brigadës në Ferizaj ,ndrërsa po për atë se në këtë demonstrim zjarri pati edhe të lënduar, të shpejta ishin edhe ekipet emergjente të Qendrës kryesore të mjekësisë familjare të Ferizajt, të cilat u përkujdesën për trajtimin e kinse të lënduarve në këtë improvizim. Ndrësa edhe trupa policore vazhdimisht mbajtën nën kontrolllë këtë situatë. Edhe krerë të komunës së Ferizajt ,panë nga afër këtë demonstrim. Me këtë rast kryetari i Komunës Bajrush Xhemaili, ka përgëzuar këtë brigade për shkathtësitë dhe punën që kanë bërë gjatë tërë kësaj kohe në shuarjen e zjarreve në Ferizaj. “Ky ishte një improvizim i suksesshëm, dhe u provua një ushtrim për fikjen e derivateve të ndryshme. Unë mendoj se kjo brigadë gjatë tërë verës, kanë bërë një punë të suksesshme në shuarjen e zjarreve të cilat kanë qenë të shumta në rajonin tonë. Është fat i mirë që asnjë viktimë nuk ka pasur dhe kjo brigadë është profesionale në punën e tyre”, ka thënë Xhemaili, duke theksuar faktin se gjatë vitit të ardhshëm do të bëjnë edhe një njësi të re të zjarrfikësve në komunën e Ferizajt. “Ne po mundohemi që vitin e ardhshëm ta bëjmë edhe një bazë tjetër të zjarrfikësve në anën tjetër të qytetit pikërisht në rrugë të Gremës, në mënyrë që të intervenohet sa më shpejt që është e mundur”, ka thënë numri një i qeverisë lokale të Ferizajt, Bajrush Xhemaili.
Ndërsa, komandant i Brigadës së Zjarrfikësve në Ferizaj Halil Osmani, ka thënë se ky demonstrim ka pasur për qëllim që të njoftoj të gjithë qytetarët me rrezikun që përbëjnë pompat e derivateve të naftës.” Kjo ka qenë si qëllim i joni që të bëhet me një cisternë të një pompe të benzinës, për shkak se këto bëjnë zbrazjen prej cisternës në rezervuar të brendshëm dhe nuk kanë shumë kujdes, nëpër pompa të benzinës. Ne këtu në Kosovë kemi pompa të benzinës jashtë mase dhe kemi numër shumë të madhe dhe shumica prej tyre nuk janë të përgatitura për këtë lëmi”, ka thënë Osmani.
Ndryshe,shuarja e këtij zjarri të improvizuar afër një pike të karburantit ,nga të gjithë akterët që janë doemos të involvuar në këso lloj situatash,ishte mjaft e suksseshme. Kjo ngjarje u realizua për nder të Festës kombëtare së 28 Nëntorit.
Brigada e Zjarrfikësve në Ferizaj, këtë të premte ka treguar shkathtësitë e tyre duke bërë improvizimin e një ngjarje tek një pikë e karburantit duke vënë zjarr. Për të parë nga afër këtë ngjarje dolën edhe kryetari i Komunës së Ferizajt, Bajrush Xhemaili , Drejtori i Shërbimeve Publike Ibrahim Hyseni, po ashtu edhe nxënës të shkollave fillore të Komunës së Ferizajt.
