Më qëllim që qytetarët të informohen për rolin, rëndësinë dhe përfitimet që sjell regjistrimi i popullsisë, e po ashtu të njoftohen edhe në lidhje me modalitetin që do të aplikohen në projektin e regjistrimit së popullsisë, ekonomive familjare dhe banesave, qytetarët ferizajas, të hënën mbajtën një takim me përfaqësues të Entit të Statistikave të Kosovës. Drejtori për sensibilizim dhe komunikim Bashkim Bellaqa nga Enti i Statistikave të Kosovës, ka thënë se projekti i regjistrimit së popullsisë, ekonomive familjare dhe banesave do të zhvillohet sipas standardeve të BE-së dhe në përputhshmëri me rekomandimet e Organizatës së kombeve të Bashkuara. Bellaqa ka bërë të ditur se nga debatet e zhvilluara deri më tani, pyetja që është bërë më së shumti, rreth të cilës kishte dilema ishte ajo që ka të bëjë me qytetarët të cilët jetojnë në diasporë.”Ky projekt do të shërben për qëllime statistikore, ku këto statistika do të kontribuojnë në hartimin e programeve zhvillimore për vendin si në nivele lokale e po ashtu edhe qendrore”, ka thënë Bellaqa.
Përmes regjistrimit të popullsisë, sipas Bellaqës, nuk do të bëhet përfitimi apo humbja e nënshtetësisë së dikujt. Ndërsa në pyetje se përse nuk duhet të jetë shtetësia por nënshtetësia, kur dihet fakti se Kosova tanimë është shtet, Bellaqa ka thënë se shpesh ndodh që një person të ketë edhe dy nënshtetësi. “Mund ta ketë dikush edhe nënshtetësinë e Kosovës por edhe të ndonjë shteti tjetër dhe kështu ai ka të drejtë t’i deklaroj të dy nënshtetësisë por nënkuptohet, regjistrohen në atë shtet ku kalon pjesën më të madhe të jetës”, ka thënë Bellaqa.
Nga ana tjetër, Bashkim Hyseni, anëtarë komisionit nga Komuna e Ferizajt, ka thënë se ishte fazë shumë intensive dhe dinamike e përgatitjes së komisionit komunal për regjistrim të popullsisë, se pari me rekrutimin e kontrollorëve e më pastaj edhe të regjistruesve dhe në monitorimin e mbarëvajtjes së trajnimit që është zhvilluar gjatë javës së kaluar. “E gjithë piramida hierarkike është menduar mirë dhe tani është rregulluar. Komisioni komunal i regjistrimit më shumë është marrë me çështje të rekrutimit, me çështje të mbarëvajtjes së përgjithshme të procesit, pasi që komunat jo rastësisht janë involvuar në projektin e regjistrimit pasi ofrojnë gjithë infrastrukturën e vet logjistike, që në këtë mënyrë procesi i regjistrimit të përfundon më lehtë në aspektin teknik”, ka thënë Hyseni, duke bërë të ditur se Komuna e Ferizajt, tanimë është e gatshme për fillim të regjistrimit të popullsisë, me disa probleme të vogla teknike tek regjistruesit.
Edhe komunitetet nga Komuna e Ferizajt janë të përzgjedhur në bazë të shifrave të caktuara. Në Komunën e Ferizajt, për regjistrim të popullsisë do të jenë të angazhuar 295 regjistrues dhe 50 komisioner
Bashkim Hyseni, anëtarë i komisionit nga Komuna e Ferizajt, ka thënë se ishte fazë shumë intensive dhe dinamike e përgatitjes së komisionit komunal për regjistrim të popullsisë, se pari me rekrutimin e kontrollorëve e më pastaj edhe të regjistruesve dhe në monitorimin e mbarëvajtjes së trajnimit që është zhvilluar gjatë javës së kaluar.
