Sipas drejtori të Drejtorisë së Administratës dhe Personelit Vesel Zhinipotoku, sektori i gjendjes civile në Komunën e Ferizajt, është duku punuar me funksionalitet të plotë, gjatë këtyre muajve në mënyrë që të gjithë qytetarëve tu dilet në ndihmë. “Është kjo periudha kohore kur kemi të bëjmë me regjistrimin e nxënësve në shkolla dhe në të njëjtën kohë edhe bashkatdhetarët tanë që kanë filluar të vinë në pushime edhe të cilët e shfrytëzojnë këtë periudhë kohore për rregullimin e dokumenteve të gjendjes civile”, ka thënë Zhinipotoku, duke theksuar se tashmë në sektorin e Gjendjes Civile është një numër i konsiderueshëm i stafit i cili merret me kryerjen e këtyre shërbimeve për qytetarët. “Mirëpo meqenëse është një periudhë kur fluksi i kërkesave është më i madh gjithsesi ne kemi paraparë që të rrisim edhe numrin e zyrtarëve nga sektorë të tjerë të cilët do të punojnë në sektorin e gjendjes civile me qëllim që qytetarëve tanë tu mundësojmë shërbime më cilësore dhe me efikase”, është shprehur Zhinipotoku.
Është bërë e ditur se në sektorin e Gjendjes Civile janë angazhuar edhe praktikantë të cilët kanë të përfunduar edhe fakultete në mënyrë që tu dilet në ndihmë të gjithë qytetarëve dhe të ofrohen shërbime shumë më cilësore. “Jemi vazhdimisht në përcjellje, po që se shtohet ende numri i kërkesave ne do të angazhojmë edhe stafin tjetër nga sektorët e ndryshme të komunës”, tha Zhinipotoku.
Sektori i Gjendjes Civile në Ferizaj, tashmë është pajisur me të gjithë llojet e dokumentacioneve nga Ministria e Punëve të Jashtme. U bë e ditur se certifikatat e lindjes janë të pa afatizuara dhe qytetarët mund te kryejnë te gjitha shërbimet me ato certikfikata te cilat i kanë nxjerrur kohë më parë. Në sektorin e Gjendjes civile qytetarët mund të nxjerrin certifikatë të lindjes, të statusit martesor, certifikatë familjare, certifikatë të vendbanimit si dhe certifikata të vdekjes.
Kërkesat janë shtuar nga ana e bashkatdhetarëve por edhe nga nxënësit që tashmë kanë filluar procedurat e regjistrimit.
