Me këtë rast është thënë se përfituesit janë afarist të suksesshme dhe se kjo pronë iu është ndarë me qëllim të zgjerimit të kapaciteteve të tyre prodhuese dhe hapjes së vendeve të reja të punës përmes planit të bizneseve të tyre.
Kryetari i Ferizajt, Muharrem Svarqa, ka thënë me këtë rast se këto 6 biznese janë përfitues të pasurisë së patundshme komunale dhe të cilat për herë të parë ndahen në kuadër të procedurave të aplikuara ligjore, pas marrjes së vendimit për destinimin e këtyre pronave në Kuvendin Komunal të Ferizajt. Ai, ka shtuar se të gjitha procedurat janë respektuar dhe në bazë të konkurrimit në zgjedhje të ngushtë komisioni i ka përzgjedhë këta përfitues.
“Kërkoj që ashtu siç është precizuar edhe në kontratat të punojnë sipas planeve të tyre të bizneseve, t’i pranojnë numrin e punëtoreve ashtu siç e kanë shkruar në kërkesat e parashtruara dhe që ky numër të jetë evidentuar dhe i regjistruar në ATK si punëtorë të cilët për herë të parë krijojnë një marrëdhënie pune dhe që ta zbatojnë dh e ta realizojnë planin dinamik të investimeve”, ka thënë Svarqa.
Është thënë se nëse këto biznese kanë problem lidhur me planet dhe dinamiken e përmbushjes së tyre, procedurat e parashohin zgjatjen e këtij plani por jo më gjatë se tre muaj. “Në kontratë është precizuar se prona nuk e ndërron titullarin, prona është e komunës, është në shfrytëzim dhe nuk guxon të ndërroj titullarin e as të jepet me qera personave të tretë, por jeni të obliguar t’i zbatoni pikat e kontratës”, ka thënë Svarqa.
Nga ana tjetër drejtori i zhvillimit ekonomik dhe turizmit në Ferizaj, Enver Haliti tha sa vlera investive sipas planeve investive të këtyre propozuesve është 5,691,236.00 euro, ndërkaq numri i të punësuarve sipas biznes planit do të jetë rreth 213 punëtorë të rinjë.
Pronarët e bizneseve përfituese, në anën tjetër e kanë falënderuar komunën, duke thënë se do t’i zbatojnë të gjitha pikat e kontratës. Afaristi, Rexhep Asllani, ka thënë se me këtë iu është dhënë mundësia që ta zhvillojnë biznesin dhe të punësojnë punëtorë të rinj.”Shpresojmë se me këtë janë krijuar mundësitë që investimet t’i orientojmë në rritjen e kapaciteteve prodhuese dhe në rritjen e numrit tët të punësuarve”, ka thënë Asllani.
Edhe afaristët tjerë, Ymri Sopa dhe Elfete Bislimi, kanë thënë se komuna me këtë hap u ka dalë në ndihmë bizneseve, ngase sipas tyre tashmë e kanë më të lehët të investojnë në kapacitetet prodhuese.
Ndryshe, komuna e Ferizajt është duke studiuar fizibilitetin e një prone prej 13 hektarësh në fshatin Babush , në kuadër të një projekti me të cilin komuna ka aplikuar në projektet e Komisioni evropian në vlerë prej 1 milion eurove që parasheh investime në infrastrukturën e kësaj hapësire.
Komuna e Ferizajt u ka ndarë tokë 6 bizneseve prodhuese nga Ferizaj, të cilat për 50 vite do ta shfrytëzojnë në të mirë të zhvillimin dhe rritjes së kapaciteteve të tyre prodhuese.
