Të gjitha komitete të cilat janë të përfaqësuara në Kuvendin e Komunës së Ferizajt, janë mbledhur sot për të diskutuar për sukseset, sfidat dhe problemet me të cilat janë ballafaquar këto komitete gjatë këtij viti.
Me këtë rast përfaqësuesi i Komiteti të Urbanizimit, Imri Hashani, ka theksuar faktin se ky komitete vazhdimisht monitoron punën e Drejtorisë së Urbanizmit dhe ka theksuar faktin se më këtë drejtori kanë edhe një bashkëpunim tejet të mirë. Ai ka theksuar se edhe pse nuk kanë pasur një plan të punës, megjithatë ky komitete ka pasur sukses të mëdha edhe në planin rregullues të qytetit ku kanë dhënë vërejtjet dhe sugjerimet e tyre. Hashani ka thënë se tashmë po bashkëpunon edhe me këshillin e ekspertëve që po punojnë për planin e zonës së 8-të të qytetit.
Ndërsa përfaqësuesja e Komitetit të personave me aftësi të kufizuara Xhemile Muresli, të pranishmit ika njoftuar se ky komitete përbehet prej 7 anëtarëve 5 nga partitë politike dhe 2 nga organizatat joqeveritare. Ajo ka theksuar se në këtë komitete janë trajtuar çështje të shumta, por si problem e ka paraqitur mos pjesëmarrjen e anëtarëve të këtij komitete në mbledhjet që mbahen.
Ndërsa Sadete Lohaj¸anëtare e Komiteti për Komunitete ka thënë se komiteti ku ajo është pjesë e tij ka punuar mjaft shumë dhe ka mbajtur edhe mbledhje të rregullta dhe ka marr vendime, por ka bërë edhe projekte të shumta duke vizituar edhe rastet sociale, ndërsa si projekt e ka veçuar projektin e përbashkët me CSPP për mamografinë dhe strehimin për gratë viktima të dhunës.
Nga ana tjetër kryesuesi i Kuvendit të Komunës së Ferizajt, Agim Aliu, duke falënderuar pjesëmarrësit në këtë takim, ka theksuar se problemet të cilat janë paraqitur në këtë takim, sigurisht se gjatë vitit të ardhshëm do të merren parasysh. Ai ka thënë se si kryesues i Kuvendit të Komunës, anëtarët e komiteteve gjithmonë do ta kenë përkrahjen , por po ashtu ka kërkuar edhe shumë më shumë punë për të gjitha komitete.
Në fund të gjithë u pajtuan se takime të tilla duhet të organizohen së paku një herë në vit.
Organizuar nga misioni i OSBE-së në bashkëpunim me Kuvendin e Komunës së Ferizajt, këtë të martë u mbajt një takim që për qëllim kishte përgatitjen e një plan veprues për vitin 2012.
