Ky takim është mbajtur në vazhdën e përpjekjeve për të koordinuar aktivitetet e përbashkëta për të përmbushur detyrimet nga agjenda evropiane, ndërkaq MAPL ka filluar se realizuari serinë e vizitave në komuna, në mënyrë që të adresohen të gjitha obligimet nga agjenda evropiane që janë përfshirë në kuadër të Planit të Veprimit për Marrëveshjen e Stabilizim Asociimit (PVMSA).
Me këtë rast kryetari i komunës së Ferizajt, Muharrem Svarqa i ka falënderuar zyrtarët për vizitën e bërë ndërsa i ka garantuar se Komuna do të ketë përkushtim maksimal sa i përket planit të veprimit komunal për MSA-në, që është tejet e rëndësishme për liberalizimin e vizave.
Ndërkaq përfaqësuesit e ministrisë janë shprehur se duke pasur parasysh rolin e komunave në procesin e integrimit Evropian dhe me qëllim të koordinimit dhe bashkëpunimit sa më efektshëm ndërmjet nivelit qendror dhe atij lokal, si dhe me qëllim të lehtësimit të këtij procesi, MAPL, ka përmbledhur në një dokument unik, të gjitha detyrimet që dalin nga procesi i stabilizim asociimit; adresimin e sfidave nga raporti i progresit; obligimet nga dialogu i liberalizimit të vizave dhe takimet sektoriale në kuadër të procesit të stabilizim asociimit dhe bashkërisht me Zyrtarin Komunal të Integrimeve Evropiane në Komunën Tuaj, ka hartuar draftin e planit të veprimit komunal për MSA.
Në këtë takimi u bë edhe drafti i PVMSA-së për Komunën e Ferizajt. Tema tjera të cilat janë diskutuar në këtë takim kanë qenë edhe prezantimi i raportit vjetor dhe të gjeturat për komunën e Ferizajt për vitin 2014, sfidat nga Raporti i Progresit për Kosovën (2014) dhe obligimet e komunës si dhe plani individual i komunës për MSA për vitin 2015.
Këtë të hënë kryetari i i Komunës së Ferizajt, Muharrem Svarqa,i shoqëruar nga nënkryetari Xhavit Zariqi dhe drejtorët e drejtorive komunale, ka pritur në një takim zyrtarë të Ministrisë së Administrimit të Pushtet Lokal si dhe të asaj të Integrimeve Evropiane.
