Numri një i Drejtorisë së Kulturës, Rinisë dhe Sportit në Ferizaj, Enver Haliti, gjatë vizitës në Itali është takuar edhe me nënkryetarin e qytetit të Roveretos së Italisë Gianpaolo Daicampi, si dhe më këshilltarin e kësaj Komune Gianluca Merlo si dhe me sekretaren për Sport dhe kulturë Carla Valduca.
Në këto takime janë biseduar shumë çështje të cilat janë në interes edhe të Komunës së Ferizajt, por ajo me e veçanta ishte çështja e bashkëpunimit në mes të Komunës së Rovertos në kulturë, sport dhe zhvillim ekonomik.
Gjatë këtij takimi, drejtori Haliti, ju ka bërë ftesë që te vizitojnë edhe qytetin e Ferizajt, me ç’rast kjo ftesë është pritur mjaft mirë dhe shumë shpejt do të jetë kjo vizitë kthyese në qytetin tonë me ç’rast do të iniciohet edhe fillimi i binjakëzimit në mes te dy qyteteve.
Qyteti i Roveretos është një qytet mjaft i zhvilluar ekonomikisht dhe është i njohur për prodhimin e syzeve, çokolatës, verës etj.
Gjithashtu klubi i futbollit Dinamo nga Ferizaj ka marre pjese ne turneun e paqes " Citta della Pace 2014"që organizohet nga Komuna Rovereto dhe ky klub ka përfaqësuar edhe Kosovën në mesin e 16 shteteve të botës.
Drejtori i Kulturës, Rinisë dhe Sportit, Enver Haliti, gjatë këtyre ditëve ka pasur një vizitë zyrtare në qytetin Rovereto të Italisë.
