Maturantët ferizajas kësaj ra
dhe janë treguar të suksesshëm në testin e maturës në bazë të rezultateve të publikuara nga Drejtoria Komunale e Arsimit në Ferizajt.
Sipas zyrtares së Drejtorisë së Arsimit Sadije Hajdinit, në testin e maturës, në pjesën e parë i janë nënshtruar 2454 maturantë dhe në pjesën e dytë 2447 maturantë.
“Maturantët të cilët nuk kanë hyrë në pjesën e dytë të testit të maturës, duhet të njëjtit test t’i nënshtrohen në afatin e muajit gusht dhe për këtë në të dy pjesët”, ka thënë Hajdini.
Rezultat pozitiv në këtë test kanë treguar rreth 73.46 për qind e maturantëve, ndërsa 26.53 për qind e tyrë kanë treguar rezultat negativ.
“Ky është një sukses si i mësimdhënësve, por edhe i nxënëseve. Në bazë të informacioneve që kemi marr nga shkollat ka pasur edhe përgatitje paraprake për lëndët në të cilat është mbajtur testi i maturës, dhe kjo ka treguar këtë rezultat”, tha Hajdini.
Sipas të dhënave zyrtare të gjitha shkollat këtë herë kanë ngritje të dukshme pozitive, përveç shkollës së muzikës “Çesk Zadeja” që këtë herë nuk ka treguar rezultat të mirë.
Gjimnazi “Kuvendi i Arberit”, këtë vit me rezultate pozitiv ka pasur 84.43 për qind të maturantëve, ndërsa rezultat negativ ka pasur rreth 15,56 për qind, shkolla “Faik Konica” ka pasur rezultat pozitiv 75.63 për qind, ndërsa rezultat negativ 24.36, shkolla e mesme e bujqësisë “Zenel Hajdini” me rezultat pozitiv 28.06, ndërsa negativ 71.93 për qind, shkolla e mesme “Pjetër Bogdani” ka treguar një rezultat pozitiv prej 36.23, ndërsa negativ 63.76 për qind, shkolla e mesme “Elena Gjika”, ka treguar rezultat pozitiv për 89.19 për qind, ndërsa rezultat negativ 10.38 për qind, shkolla e mesme e muzikës “Çesk Zadeja” me rezultat pozitiv janë 59.61 për qind, ndërsa me negativ 40.38 për qind, gjimnazi “Dr. Shaban Hashani”me rezultat pozitiv ka kaluar 83.11 për qind, ndërsa me rezultat negativ 16.88 për qind si dhe kolegji “Aga Xhite” me rezultat pozitiv ka pasur 91.07 për qind ndërsa me rezultat negativ 8.92 për qind.
U bë e ditur se afati i ankesave për maturantë e pakënaqur është 3 ditë.
Zyrtarë të Drejtorisë së Arsimit në Ferizaj, këtë të martë kanë bërë publike rezultatet e testit të maturës për maturantët ferizajas.
