Drejtoria komunale e Arsimit në Ferizaj ka shpallur sot rezultatet e testit kombëtar të maturës shtetërore të afatit të shtatorit në komunën e Ferizajt, ku këtij testi iu nënshtruan 1340 nxënës. Sipas Agim Berishes, drejtor i Drejtorisë së Arsimit, ky vit ka pasur një ngritje të përqindjes së kalueshmërisë, ndërsa numri total i atyre qe kane kaluar ketë test, në këtë afat shprehur në përqindje është 65.41%,ku nga shkollat më të suksesshme del shkolla e mesme ekonomike “Faik Konica” me përqindjen më të lartë të kalueshmërisë , 91.82%.
Ndërkohë, për maturantët të cilët nuk e kanë kaluan testin e maturës shtetërore edhe në këtë afat, zyrtarë komunal të arsimit bënë të ditur se pjesa e mbetur e nxënësve duhet të presin afatin e ardhshëm për t’iu nënshtruar këtij testi, përderisa Ministria e Arsimit mbetet po me të njëjtat kritere të kalueshmërisë. Bëhet e ditur se në komunën e Ferizajt, testit të maturës shtetërore i’u nënshtruan nxënësit nga 8 shkolla të mesme të larta të cilat funksionojnë në këtë komunë.
Drejtoria Komunale e Arsimit, përmes një konference për gazetarë ka bërë publike rezultatet e testit të maturës
