Misioni i OSBE-së në Kosovë, këtë të premte ka mbledhur në një takim përfaqësues të EULEX-it, përfaqësues të UNHCR-së, drejtues të qeverisë lokale të Ferizaj, përfaqësues të këshillit danez, drejtues të Policisë rajonale në Ferizaj, përfaqësues të ministrisë për kthim, si dhe banorët e fshatit Nerodime, ku kanë diskutuar për incidentin i cili ndodhi ditë me parë në fshatin Nerodime ku nuk u lejuan që banorët serb të vizitojnë pronat e tyre.
Në këtë takim kryesuesi i Kuvendit të Komunës së Ferizajt, Agim Aliu, ka theksuar se Komuna e Ferizaj, gjithmonë ka treguar vullnet të mirë sa i përket çështjes së kthimit të cilat janë në interes të qytetarëve dhe në mënyrë të veçantë ka qenë e përkushtuar për procesin kthimit.”Ka pasur projekte të suksesshme për kthim në komunën e Ferizajt, vlen të theksohet këtu kthimi në fshatrat, Babush, Bablak,Softaj, Zaskok ku është shembull i mire që ka këtë vullnet komuna e Ferizajt, sa i përket çështjes së kthimit”, ka thënë Aliu, duke theksuar se ky proces në asnjë mënyrë nuk mund të jetë i lehtë sepse një proces i tillë është edhe i lidhur edhe me familjarët të cilën kanë pësuar nga lufta.” Institucionet duhet të bëjnë punën e tyre, sepse në Kosovë janë bërë krime të shumta dhe duhet të intervenohet, institucionet e tilla duhet të bëjnë një gjë të tillë që ata që kanë bërë krime të jene para gjyqësisë”, ka thënë Aliu.
Ndërsa përfaqësuesja e OSBE-së Anna Korula është shprehur se Komuna e Ferizajt, është e interesuar se procesi i kthimit duhet të ecë mirë dhe mbarë.
Nga na tjetër përfaqësues i EULEX-it Edward Gold, nga departamenti i krimeve, ka thënë se EULEX-i ka për qëllim që të hulumtojë rastet e krimeve që kanë ndodhur gjatë luftës, por edhe pas.”Duket se krimi është çështje komplekse. Ju duhet të sillni faktete çfarëdo qofshin ato që ka pasur krime. Ne do të mund të intervenojmë aty , por aty intervenojmë vetëm nese kemi fakte ne mund të veprojmë në atë drejtim. Nëse keni dëshmi dhe fakte të tilla ju lutem na i sjellni tek ne”, ka thënë Gold.
Në këtë takim morri pjesë edhe përfaqësuesi i Ministrisë për kthim dhe komunitete përkatësisht nga departamenti i divizionit për integrim të komuniteteve Isa Ukelli, ku ka theksuar se takime të tilla janë shumë të dobishme dhe të shihen edhe fakte të shumta .
Por, përfaqësuesi i UNHCR-së në Kosovë Arjun Shrestha, ka thënë se kjo organizatë ka zhvilluar një varg takimesh “Shko e vizito” qysh nga viti 2004 dhe që është bërë edhe një e tillë edhe ne fshatin Nerodime.” Gjithmonë para vizitës është organizuar edhe një proces dhe këtu janë përfshirë të gjithë aktorët që kanë të bëjnë me kthim. Të gjithë janë të brengosur për këtë inicident dhe jemi të interesuar që të zgjidhim këtë të gjithë së bashku”, ka thënë Shrestha.
Por, më të zëshmit në këtë takim kanë qenë përfaqësuesit e fshatit Nerodime ku përfaqësuesve ndërkombëtar u kanë treguar edhe fakte për krime që kanë ndodhur në fshatin Nerodime. Hyzri Reka , kryesues i fshatit Nerodime në këtë takim ka thënë se familjarët që kanë humbur më të dashurit e tyre asnjëher nuk ndjehen rehat.”Po kalojnë 12 vite dhe asgjë nuk ka ndodh ne po kërkojmë drejtësi, nuk jemi kundër kthimit vetëm duam të dimë shkaqet ,arsyet se pse askush nuk merret me ta”, është shprehur Reka.
Ndërsa, Bashkim Nuhaj ishte ai i cili kishte më së shumti të rënë në luftën e fundit në Kosovë nga Nerodimja, tha se asnjëher nuk ka dëgjuar nga askush që është marr me çështjen se çka ka ndodhur.”Nuk kam dëgjuar kurrë të flitet se çka ka ndodhur në Nerodime, çfarë krime ,çfarë vrasje, nuk ka qenë askush i interesuar që të kërkojë dhe të gjen kriminelët. Dikush ende i ka plagët e hapura dhe 95 për qind e serbëve të Nerodimës janë pjesëmarrës të krimeve. Kam fakte dhe fotografi, leje që nuk kanë kursyer njerëzit, por edhe kafshët”, tha Nuhaj.
Në përfundim të këtë tij takimi të gjithë kanë qenë të pajtimit që drejtësi do ta kryej punën e tyre ashtu siç duhet. Ndërsa përfaqësuesit e misionit të EULEX-it nga banorët e fshatit Nerodime kanë kërkuar që ti dorëzojnë të gjitha faktet dhe dëshmitë të cilat i kanë për krimet e bërë në Kosovë
Përfaqësuesit e misionit të EULEX-it nga banorët e fshatit Nerodime kanë kërkuar që ti dorëzojnë të gjitha faktet dhe dëshmitë të cilat i kanë për krimet e bërë .
