Falë Komunës së Ferzajt, ka filluar të bëhet faza e parë e asfaltimit të rrugës nga fshati Talinovc i Muhaxherëve deri në fshatin Softaj, projekt ky i një rëndësi shumë të madhe. Sipas drejtorit të Planifikimit, Zhvillimit dhe Rindërtimit në Ferizaj, Ardian Ferizit në këtë rrugë gravitojnë gjashtë fshatra të kësaj ane dhe në këtë mënyrë atyre po u lehtësohet edhe qarkullimi i tyre për në qytet. “ Kjo rrugë për herë të parë është asfaltuar në vitit 1980 dhe ka qenë mjaft e dëmtuar .Për këtë arsye ne e kemi rregullu dhe po e asfaltojmë për shkak se është rrugë e cila ka një rëndësi shumë të madhe për këto gjashtë fshatra dhe ka një qarkullim tejet të madh të banorëve ”, ka thënë drejtori Ferizi, duke shtuar se gjatësia e kësaj rruge është 2500 metra , ndërsa gjerësia rreth 6 metra, ndërkaq u ka bërë thirrje banorëve që të gjejnë rrugë alterantive për qarkullim për shkak se nuk mund të asfaltohet e gjitha gjatë ditës së sotme.” Unë i njoftojë qytetarët se gjatësia e rrugës është e madhe dhe lus ata që të gjejnë edhe rrugë alterantive për qarkullim, për shkak se nuk mund të asfaltohet e gjithë kjo rrugë gjatë ditës së sotme, unë kërkojë mirëkuptim nga banorët për shkak se kjo rrugë po bëhet në të mirë të të gjithë qytetarëve” , është shprehur Ferizi.
Faza e dytë e këtij projekti parashihet që të bëhet vitin e ardhshëm, ku planifikiohet që ky asfaltim të shkoj deri ne fshatin Rahovicë.
Nga ana tjetër banorët e fshatit Pojatë e kanë mirëpritur këtë asfaltim të rrugës. Banori, Isa Hyseni nga fshati Pojatë ishte , tejet i kënaqur me këtë asfaltim të rrugës. Ai është shprehur se rruga ka qenë tejet e dëmtuar dhe e pakalueshme.”Rruga për ne ka një rëndësi shumë të madhe për shkak se deri sot kemi hjek për këtë rrugë . Komuna na doli në ndihmë dhe kryetari Bajrush Xhemaili dhe sot po rregullohet kjo rrugë” është shprehur Hyseni.
Ky projekt i ka kushtuar komunës së Ferizajt rreth 200 mijë euro. Drejtues të Drejtorisë së Planifikimit, Zhvillimit dhe Rindërtimit në Ferizaj ,bëjnë të ditur se nga 47 rrugë sa janë duku u meremtuar dhe asfaltuar deri më tani kanë përfunduar vetëm 10, ndërsa të tjerat janë në realizim e sipër, ndërkaq pritete që gjatë këtyre ditëve të fillojnë punët edhe në rrugë të tjerë që tashmë janë kontraktuar edhe firmat .
Ka filluar të bëhet asfaltimi i rrugës nga Talinovci i Muhaxherëve deri në fshatin Softaj
