Drejtori i Drejtorisë për Planifikim dhe Zhvillim, Ardian Ferizi, e ka vlerësuar si shumë domethënë asfaltimin e kësaj rruge, duke thënë se me këtë jo vetëm që po bëhet lidhja e rrugës "Gursel e Bajram Sylejmani" me magjsitralen, por po krijohet një rrugë transite që do ta lehtësoj qarkullimin e automjeteve dhe do të shkarkoj komunikacionin nëpër rrugët e qytetit." Tashmë qytetarët nuk kanë nevojë që për tu lidhur me magjistralen të shkojnë në Gurëz, por këtë mund ta bëjnë nëpërmjet kësaj rruge" tha Ferizi.
Për t’i përcjellur punimet në këtë rrugë kishte dalë edhe deputeti i zonës në Parlamentin e Kosovës, Elmi Reçica, i cili theksoi se gjatë inspektimit të punimeve që ka bërë së bashku me zyrtarët komunal, ka parë që Ferizaj është shëndrruar në kantier ndërtimi dhe kjo falë punës së mirë të kryetarit Bajrush Xhemajli dhe stafit të tij. Reçica ka vënë në dukje so po shihet një angazhim i madh i institucioneve komunale për të përmirësuar kualitetin e jetës së qytetarëve."Ky projekt flet për përkushtimin e institucioneve komunale, vitin e kaluar është rregulluar kanalizimi dhe ujësjellësi i kësaj lagjeje kurse sivjet po përfundon edhe faza e parë e asfaltimit, kjo tregon se po bëhet edhe urbanizimi i pjesëve periferike të qytetit" theksoi Reçica.
Ndryshe, aktualisht në komunën e Ferizajt, në fazën e realizimit ndodhen edhe shumë projekte të rrugëve.Zyrtarët këtëu përmendin projektet e asfaltimit të dy rrugëve kryesore të qytetit, atë "Enver Topalli" dhe "Epopeja e Jezercit", si dhe asfaltimin e shumë rrugëve dhe rrugicave në vet zonën e qytetit. Të gjitha këto projekte po realizohen me mjetet vetanake të komunës, ndërsa asfaltimi i kësaj rruge komunës i ka kushtuar 240 000 euro.
Ka filluar të hënën faza e parë e asfaltimit të rrugës së lagjes Qiraxhi në Ferizaj, një rrugë transit me gjatësi prej 1.5 km, e cila tani e tutje do të bëjë me të lehtë qarkullimin dhe do të kontribuoj në shkarkimin e komunikacionit në vetë zonën e qytetit.Me këtë rast është thënë se tashmë në komunën e Ferizajt janë duke ekzekutuar një numër i madh i projekteve infrastrukturore, të cilat do të ndikojnë në përmirësimin e kualitetit të jetës së qytetarëve.
