Formimi i Grupit Joformal të grave është bërë në maj të vitit të kaluar me iniciativën e përgjegjëses për barazi gjinore në OSBE, Sadete Tërnava –Osmani, ndërkaq i përkrahur dhe i mbështetur edhe nga zyrtarja për Barazi gjinore e komunës së Ferizajt, Vjollca Krasniqi.
Sipas kryesueses së grupit Joformal të grave Lumnije Morinës, kjo është një mundësi e mirë për të dëshmuar bashkëpunimin e mirë në mes veti pavarësisisht dallimeve partiake me qëllim të fuqizimit të gruas në politikë dhe në vendimarrje.”Grupi joformal i grave të komunës së Ferizajt ka trembëdhjetë anëtare, të gjitha janë anëtare të kuvendit komunal nga të gjitha subjektet politike të përfaqësuara aty, ndërsa katër anëtare të këtij grupi janë përfaqësues të shoqërisë civile, të rinisë, të minoriteteve si dhe të udhëheqjës komunale” është shprehur Morina.
Kryesuesja e këtij grupi më tej ka shtuar se që nga themelimi i këtij grupi ka pasur takime të rregullta mujore. Është bërë e ditur se grupi joformal i grave ka bërë edhe formimin e një bordi prej shtatë anëtarëve, në mënyrë që të jenë sa më efikasë për kryerjën e punëve. Morina në raportin e punës ka paraqitur edhe aktivietete të cilat kanë zhvilluar dhe të cilat kanë pasur një rëndësi shumë të madhe. Ajo me theks të veçantë ka thënë se përmes një shkresë u janë drejtuar edhe personaliteteve apo institucioneve të ndryshme për çështje të rëndësisë së përgjithëshme.” Grupi Jofomral i grave të komunës së Ferizajt, unanimisht u pajtuan që ti propozojnë organeve kompetente të Republikës së Kosovës, të bëjë ndryshimin e Nenit 48 në mënyrë që femrat e punësuara të gëzojnë të drejtën e pushimit të paguar të lehonisë për 12 muaj e jo 12 javë. “Reagimi i grupit kontriuojë që ky ligj të ndryshohet në favor të pushimit të lehonisë më të zgjatur”, ka thënë Morina.
Ndërkaq, kërkesë e Grupit Joformal të grave është që komuna e Ferizajt, t’u sigurojë atyre edhe një zyrë,me të cilën do të krijohej mundësia e vendosjës së kompjuterit i cili është donacion i OSBE-së, dhe vendosja e tij, në funksion për kryerjën e detyrave dhe obligimeve” është shprehur kryesuesja e këtij grupi Lumnije Morina.
Edhe pse nuk është obligative që grupi joformal i grave të komunës së Ferizajt, të paraqesë raport të punës, kjo tashmë është bërë nga kryesuesja e këtij grupi Lumnije Morina , ku ajo ka realizuar një raport të tillë.
