Përurimi i këtij projekti është vlerësuar se ka një rëndësi të madhe , për shkak të asaj se do të eliminojë edhe vërshimet e shumta që kanë qenë në këtë pjesë të qytetit. Me këtë rast kryetari i Komunës së Ferizajt, Bajrush Xhemaili, ka falënderuar të gjithë që e bënë të mundur realizimin e këtë projekti. “Më vjen mirë që ky projekt është kryer dhe mund të them se ky projekt është model për shkak se është rregulluar mjaft mirë shtrati i lumit në këtë pjesë dhe na obligon neve si komuna vërtet ta qojmë deri në fund me këtë që kanë mbetur. Besoj shumë se më nuk do të ketë edhe probleme të vërshimeve siç ka pasur kohë më parë, jo vetëm për vërshime por vërtëtë është kryer një projekt dhe është bërë një infrastrukturë tejet e mirë “ka thënë Xhemaili.
Ky projekt është realizuar nga Komuna e Ferizajt në bashkëpunim me UN-HABITAT-in dhe SIDA-n Suedeze.
Në këtë përurimi morri pjesë edhe përfaqësuesi i ambasadës suedeze Tomas Nirtson i cili ka vlerësuar këtë projekt si shumë të suksesshëm. “Besoj se ky projekt ilustron kompetencën e lart të planifikimit, duke vlerësuar lart planifikimit, do të kemi projekte të realizuara me vlerë të mirë. Ky projekt e lehtëson edhe përmirësimin e mjedisit që shkaktohet nga vërshimet, dhe ky projekt është bërë pikërisht për eliminimin e vërshimeve.
Nga ana tjetër edhe Kristina Galecia, nga Un-habitati, tha se ndjehet shumë mirë që më në fund ka përfunduar një projekt i cili ka peshë dhe rëndësi shumë të madhe për qytetarët e Ferizajt. “Është kënaqësi që jam këtu dhe të shoh këtë projekt kaq të mirë dhe të përfunduar në mënyrën më të mirë të mundshme. Shpresoj se përmirësimi i shtratit të lumit do të shmangë vërshimet dhe do të ndikojë në përmirësimin kualitetit të jetës së njerëzve”, tha Galecia.
Gjatesia totale e këtij projekti është 230 metra gjatesi, ndërsa ka kushtuar rreth 154 mijë euro, dhe eshte financuar 50% nga UN-HABITAT-in dhe SIDA-n Suedeze, si dhe 50% nga Komuna e Ferizajt Këtë të mërkurë është bërë përurimi i “Urës së dudit” projekt ky i Un-Habitatit në bashkëpunim me Komunën e Ferizajt , Sidan dhe ambasadën suedeze.
