Ky hap është ndërmarr me qëllim të vetëm që administrata e tatimit në pronë të jetë shumë me efikase. Regjistrimi i tatimpaguesit përmes numrit të tyre personal do ta bëjë tatimin në pronë më të saktë dhe shumë gabime do të shmangen.
Drejtori i Drejtorisë Komunale të Ekonomisë, Financave dhe Buxhetit në Ferizaj, Mustafë Grainca , ka thënë se përfitimet e regjistrimit të numrave personal mund të gjenden si në aspektin afatshkurtër ashtu edhe në atë afatgjatë, por një gjë është e sigurti pasi të jenë të regjistruar numrat personal puna e të gjithë të punësuarve do të jetë shumë më e lehtë.”Kualiteti i të dhënave në Regjistrin e Tatimit në pronë do të përmirësohet, si zyrtar i tatimit në pronë ju gjithmonë do të mund të gjeni personin e duhur në sistemin e It të tatimit në pronë, do të zvogëlohet rreziku që të ngatërrohen personat me emra të ngjashëm, të gjitha rastet e dyfishimit dhe trefishimit ku i njëjti tatimpagues është regjistruar shumë herë me dallime të vogla në shqiptim etj, mund të mënjanohet nga regjistri”, ka thënë Grainca, duke shtuar se zyra e tatimit në pronë nuk do të ketë nevojë të mbaj regjistër të emrave dhe adresave të tatimpaguesve.” Ne do të marrim informata të azhuruara drejtpërdrejt nga regjistri civil. Nuk do të ketë nevojë të shpenzohen kohë në adhurimin e adresave. Zyra e tatimit në pronë nuk do të ketë nevojë të brengoset rreth pronësisë së pronave-kjo do të trajtohet nga Agjensioni Kadastral i Kosovës dhe ata do të na shërbejnë me informata të azhuruara të sakta”, është shprehur ai.
Në bazë të kësaj edhe siguria ligjore do të rritet –informatat nga regjistrimi i pronave do të jenë më të besueshme dhe rreziku i gabimeve do të zvogëlohet.”Personat që kanë më shumë se një pronë do të marrin vetëm një fature për të gjitha pronat . Kjo do të bëj shumë më të lehtë dhe më të lirë për tatimpaguesin i cili duhet të paguajë vetëm një pagesë në bankë”, tha Grainca.
Është bërë e ditur se kurdoherë që një tatimpagues viziton zyrën e tatimit në pronë për shembull për të marrë një faturë apo vërtetim të pagesës ju duhet të, kërkoni numrin personal, nëse personi që ka ardhur është vetëm tatimpagues –kërkoni nga ai/ajo të identifikojë vetëm përmes letërnjoftimit, pasaportës ose petent shoferit.
Nëse personi që ka ardhur është përfaqësues për dikë tjetër-kërkoni që të deklarojë numrin personal të vet tatimpaguesit. Për shembull nesh dikush ka ardhur të marr një vërtetim pagese për të atin-kërkoni që të deklarojë numrin personal të babit.”Nëse nuk mund të identifikoni veten apo të deklarojë numrin personal. Në rastet kur vet tatimpaguesi ka ardhur pyeteni nëse është e mundur që të vijnë më vonë me një prej dokumenteve të aprovuara të identiteti, ndërsa në raste kur një përfaqësues ka ardhur-kërkoni nga ata që të thërrasin vet tatimpaguesin për të marr numrin personal”, ka thënë drejtori Grainca.
Kjo formë është vlerësuar si tejet e rëndësishme për të bërë administratën e tatimit në pronë me efikase .
Tash e tutje qytetarët që dëshirojnë të marrin faturë ose vërtetim të pagesës në zyrat e tatimit në pronë duhet të vërtetojë atë me letërnjoftim, pasaportë ose petent shofer.
